Дар Яман қариб 800 нафар ҷангиёни «Ал-қоида» нобуд карда шуданд

Душанбе, 25.04.2016 /АМИТ «Ховар»/. Дар Яман зимни як амалиёт, ки аз ҷониби неруҳои эътилофи араб ва неруҳои ҳукуматии  Яман дар ҷануби ин кишвар амалӣ гардид, қариб 800 ҷангиёни гурӯҳи террористии «Ал-қоида» нобуд карда шуданд,- хабар медиҳад агентии иттилоотии Арабистони Саудӣ SPA .
Чанде пеш иттилоъ дода шуд, ки неруҳои Яман шаҳри Ал- Муқалларо, ки наздики як сол зери назорати гурӯҳи террористии «Ал-Қоида» қарор дошт, озод намуданд. Қабл аз ин, неруҳои эътилоф бо роҳбарии Арабистони Саудӣ  қароргоҳи ҷангиёнро мавриди ҳамла  қарор дода буданд.