Хуҷанд: ҷалби наздик ба 22 млн. сомонӣ сармояи хориҷиву дохилӣ дар се моҳ

Хучанд, 29.04.2016. /АМИТ Ховар/. Тавре масъулин аз шуъбаи сармоягузории мақомоти иҷроияи ҳокимияти давлатии шаҳри Хуҷанд ба АМИТ Ховар  иттилоъ доданд, танҳо дар семоҳаи аввали соли равон дар шаҳр барои навсозии технология ва замонависозии  корхонаҳои саноатии навташкилшуда зиёда аз 21,7 миллион сомонӣ сармояҳои хориҷӣ ва дохилӣ ҷалб карда шудаанд, ки ин нишондиҳанда нисбат ба ҳамин давраи соли гузашта 3 маротиба зиёд аст.
Дар самти таҳкими иқтидори истеҳсолӣ, такмили сиёсати   инвеститсионӣ ва таъмини рушди итисодиёти шаҳр дар ин давра 3,2 миллион доллари амрикоӣ, аз ҷумла сармояи дохилӣ 1,7 миллион доллар ва 1,5 миллион доллар сармояи хориҷӣ ҷалб карда шудааст.