“Истиқлол” дар Урдун

Апрель 25, 2016 15:29

Душанбе, 25.04.2016 /АМИТ «Ховар»/. Чемпиони Тоҷикистон “Истиқлол”-и Душанбе барои гузаронидани бозии навбатии Ҷоми Конфедератсияи футболи Осиё бо тими “Алфайсалӣ”-и Урдун ба шаҳри Уммон-пойтахти ин кишвар ҳозир шуд ва аввалин тамрини худро ба сомон расонд. Ин вохӯрӣ рӯзи сешанбеи 26 апрел дар варзишгоҳи “Шоҳзода  Муҳаммад”-и шаҳри Уммон соати 16.30  ба вақти Душанбе шурӯъ мешавад.
Ба  бозӣ сармураббии даста  Мубин Эргашев 16 бозингарро бо худ бурдааст. Ду ҳимоятгари даста Ҷаҳонгир Ҷалилов ва Давронҷон Эргашев, ки дар бозиҳои пешин кортҳои зард гирифтаанд, ҳаққи ширкатро дар ин рақобат аз даст додаанд ва ба “Истиқлол” кумак карда наметавонанд.
Дар гурӯҳи “В”, ки “Истиқлол” ба он  шомил аст,  “Нафт Ал-Васат” бо 9 имтиёз дар дар мақоми аввал, “Ал-Файсалӣ” бо 8 имтиёз дар мақоми дувум ва «Триполи» бо 4 имтиёз дар мақоми севум қарор доранд. “Истиқлол”  бо як имтиёз дар зинаи охирин – чаҳорум  ҷойгир шудааст.
Бозии аввали ин дастаҳо дар шаҳри Душанбе бо натиҷаи мусовии 0:0 ҷамъбаст шуд.
Ҳайати чемпиони Тоҷикистон дар ин бозӣ чунин аст:
Дарвозабонҳо — Никола Стошич, Қурбоналӣ Бобоев.
Ҳимоятгарон — Аҳтам Назаров, Сиёвуш Асроров, Петро Ковалчук,  Маҳдӣ Чоҳҷӯӣ.
Нимҳимоятгарон — Нуриддин Давронов, Фатҳулло Фатҳуллоев, Парвизҷон Умарбоев, Акмал Холматов, Дилшод Восиев, Нозим Бобоҷонов, Фаридун Шарифов, Ҷаҳонгир Алиев.
Ҳамлагарон — Манучеҳр Ҷалилов ва Александр Каблаш.

Апрель 25, 2016 15:29

Хабарҳои дигари ин бахш

Бо гузашти 28 сол аҳамияти Ваҳдати миллӣ дар рушди иқтисодии Тоҷикистон бештар эҳсос мешавад
Фаъолияти иҷтимоӣ ва фарҳангӣ яке аз воситаҳои муассири таҳкими ваҳдати миллӣ мебошад
Муовини Раиси ноҳияи Данғара Зуҳро Ҳакимзода: «Мардум ба Пешвои миллат боварӣ ва эътимод дорад»
Тоҷикистон дар партави ваҳдати миллӣ ба сӯи шукуфоии нав қадам мегузорад
ВАҲДАТИ МИЛЛӢ — ПОЯИ ҲАСТИИ ДАВЛАТ ВА НЕРУИ СОЗАНДАИ МИЛЛАТ. Мулоҳизаҳои ректори Донишгоҳи давлатии Кӯлоб
Имрӯз дар Тоҷикистон ҳаво то 37 дараҷа гарм мешавад
Дар Вазорати адлия бахшида ба Рӯзи Ваҳдати миллӣ ҳамоиши идона доир гардид
Дар Агентии авиатсияи гражданӣ бахшида ба Рӯзи Ваҳдати миллӣ ҳамоиши тантанавӣ доир шуд
Кормандони Корхонаи воҳиди давлатии «Роҳи оҳани Тоҷикистон» Рӯзи Ваҳдати миллиро таҷлил намуданд
Бахшида ба Рӯзи Ваҳдати миллӣ омӯзгорони фаъоли пойтахт қадрдонӣ карда шуданд
Намояндагони ВАО бо хизматрасониҳои алоқаи барқӣ дар вилояти Суғд шинос мешаванд
Имрӯз дар шаҳри Душанбе ҳаво то 37 дараҷа гарм мешавад