Мизи мудаввар: «Аҳамияти арзишҳои конститутсионӣ дар тарбияи ҳуқуқии ҷавонон»
Душанбе, 19.04.2016 /АМИТ «Ховар»/.Дар доираи омодагӣ ба маъракаи муҳими дарпешистодаи раъйпурсии умумихалқӣ оид ба ворид намудани тағйиру иловаҳо ба Конститутсияи (Сарқонуни) Ҷумҳурии Тоҷикистон имрӯз дар шаҳри Душанбе бо ташаббуси Комиссияи марказии интихобот ва раъйпурсии Ҷумҳурии Тоҷикистон ва бахши Иттифоқи ҷавонони Тоҷикистон дар шаҳри Душанбе дар мавзӯи «Аҳамияти арзишҳои конститутсионӣ дар тарбияи ҳуқуқии ҷавонон» мизи мудаввар баргузор гардид.
Дар чорабинӣ роҳбарияти Комиссияи марказии интихобот ва раъйпурсии Ҷумҳурии Тоҷикистон ва бахши Иттифоқи ҷавонони Тоҷикистон дар шаҳри Душанбе, раисони комиссияҳои ҳавзавии раъйпурсии ноҳияҳои шаҳри Душанбе иштирок намуданд.
Мақсади асосии чорабинии мазкур таъсиси гурӯҳҳои таблиғотӣ ҷиҳати ба шаҳрвандон расонидани моҳияти тағйиру иловаҳо ба Конститутсияи (Сарқонуни) Ҷумҳурии Тоҷикистон ва ҷалби ҳарчи бештари ҷавонон ба раванди омодагӣ ба раъйпурсӣ мебошад.
Мизи мудавварро раиси филиали Иттифоқи ҷавонони Тоҷикистон дар шаҳри Душанбе Аббосиддин Саймуддинов ифтитоҳ бахшида, дар кори он вакили Маҷлиси вакилони халқи шаҳри Душанбе Сайфулло Сафаров атрофи тарбияи ҳуқуқии ҷавонон андешаронӣ намуд.
Дар мизи мудаввар роҳбари дастгоҳи Комиссияи марказии интихобот ва раъйпурсӣ Абдуманон Додозода оид ба ҷараёни омодагиҳо ва корҳои аз ҷониби Комиссия то имрӯз ба анҷомрасида сухан гуфта, нақши ҷавононро дар ҳаёти сиёсиву иҷтимоии Тоҷикистони соҳибистиқлол муҳим арзёбӣ намуд.
Мувофиқи мақсад дониста шуд, ки ҷавонони фаъоли пойтахт дар арафаи баргузории раъйпурсии умумихалқӣ ба комиссияҳои раъйпурсӣ ҷиҳати паҳн намудани маводи тарғиботию ташвиқотӣ, инчунин ба шаҳрвандон расонидани хабарномаҳо метавонанд кумаки амалӣ расонанд.
Иштирокдорони чорабинӣ изҳори бовар намуданд, ки ҷавонони кишвар барои дар сатҳи баланди ташкилӣ омода ва баргузор намудани раъйпурсии умумихалқӣ мусоидат намуда, дар пешрафти ҳаёти сиёсии кишвар саҳми муносиби худро мегузоранд.
«ПАРАСТУ». Дар Бӯстон басти аввали истироҳатгоҳи шаҳрӣ оғоз гардид
Дар ноҳияи Ховалинг дар зиёда аз 600 гектар кишти картошка гузаронида мешавад
Имрӯз дар водиҳои Тоҷикистон ҳаво то 38 дараҷа гарм мешавад
Дар Донишгоҳи байналмилалии сайёҳӣ ва соҳибкории Тоҷикистон бахшида ба Даҳсолаи байналмилалии амал оид ба илмҳои яхшиносӣ ҳамоиш баргузор мешавад
Тавсия: барои алоқа дар Узбекистон маблағ камтар сарф мекунем
Дар соҳили Сирдарё барои истироҳату фароғат шароити хуб фароҳам оварда шудааст
Президенти Тоҷикистон ҳамоиши сатҳи олӣ — муаррифии Даҳсолаи байналмилалии барои илмҳои яхшиносӣ (криосферӣ)-ро ифтитоҳ намуданд
Дар Хуҷанд Мусобиқаи ҷумҳуриявӣ оид ба ҷудо байни наврасон ҷамъбаст гардид
Имрӯз дар шаҳри Душанбе ҳаво то 35 дараҷа гарм мешавад
ҚУРБИ АСЪОР: дар Тоҷикистон 1 рубли русӣ аз 0.1247 то 0.1240 сомонӣ муқаррар шудааст
Кишоварзони ноҳияи Восеъ дар гармхона бо усулҳои муосир маҳсулот парвариш мекунанд
Ваколатдор оид ба ҳуқуқи инсон вобаста ба ҳифзи ҳуқуқи соҳибкорон конфронси ҷумҳуриявӣ доир менамояд
