Муҳайё намудани шароити беҳтари зиндагӣ ҳадафи олитарини фаъолияти Президент ва Ҳукумат мебошад

Апрель 11, 2016 17:04

Душанбе, 11.04.2016 /АМИТ «Ховар/. Дар Иттиҳодияи ҷамъиятии «Маъюбони ҷанг дар Афғонистон» вобаста ба мавзӯъҳои «Омўзиш ва баррасии Қонуни Ҷумҳурии Тоҷикистон «Дар бораи Асосгузори сулҳу Ваҳдати миллӣ-Пешвои миллат» ва «Ислоҳоти конститутсионӣ –асоси рушди босуботи кишвар» машварат баргузор гардид.
Сарвари иттиҳодия Ҳ. Мирзоев дар мавзӯи «Омўзиш ва баррасии Қонуни Ҷумҳурии Тоҷикистон «Дар бораи Асосгузори сулҳу Ваҳдати миллӣ-Пешвои миллат» иброз намуд, ки қабули қонуни зикршуда, пеш аз ҳама, хусусияти расмӣ бахшидан ба амри воқеии таърихӣ мебошад. Агар таърихро варақ занем, мебинем, ки Эмомалӣ Раҳмон ҳанўз дар ибтидои оғоз намудани фаъолияти худ ҳамчун Сарвари давлат дар Муроҷиатномааш ба халқи Тоҷикистон зикр намуда буд: “Ман қасам ёд мекунам, ки тамоми донишу таҷрибаамро барои дар ҳар хона ва ҳар оила барқарор шудани сулҳ равона карда, барои гулгулшукуфии Ватани азизам садоқатмандона меҳнат мекунам. Барои ноил шудан ба ин нияти муқаддас, агар лозим шавад, ҷон нисор мекунам, чунки ман ба ояндаи неки Ватанам ва ҳаёти хушбахтонаи халқи азияткашидаам бовар дорам”.
Ба Пешвои миллат муяссар гардид, ки миллатро аз парокандагӣ ва давлатро аз барҳамхўрӣ наҷот дода, кохи муҳташами сулҳи тоҷиконро эъмор, низоми давлатдории муосири халқро эҳё намуда, ҳаққи таърихии миллатро ба давлати мустақил эълон ва татбиқ сохта, тоҷиконро ҳамчун миллати дорои Ватан, забон, фарҳанг ва таърихи қадимӣ ба ҷаҳониён муаррифӣ ва дар навбати худ давлати Тоҷикистонро ҳамчун давлати соҳибихтиёр, демократӣ, ҳуқуқбунёд, дунявӣ ва ягона дар радифи халқу миллатҳои соҳибдавлат ҷойгузин намуда, барои қадршиносии корҳои неку писандида шароити мусоид фароҳам оварад.
Дар мавзӯи “Ислоҳоти конститутсионӣ–асоси рушди босуботи кишвар” аз ҷониби иштирокдорон зикр гардид, ки рушди устувору босуботи ҷомеа, бахусус ҷомеаи муосири Тоҷикистон тақозо менамояд, ки меъёрҳои Конститутсия пайваста такмил дода шаванд.
Дар Паёми навбатии Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ омадааст: «Муҳайё намудани шароити ҳарчӣ беҳтари зиндагӣ барои сокинони кишвар ҳадафи олитарини фаъолияти Президент ва Ҳукумат мебошад».
Зикр гардид, ки ворид гардидани тағйиру иловаҳо ба Конститутсия барои амалӣ намудани ин мақсади олӣ мусоидат мекунад.

Апрель 11, 2016 17:04

Хабарҳои дигари ин бахш

Пешвои миллат: «Ҳамеша шукронаи соҳибватаниву соҳибдавлатӣ, сулҳу субот ва зиндагии орому осудаи худро ба ҷо оварем»
Имрӯз дар Тоҷикистон чангу ғубор ба амал меояд
Сергей Лебедев: «Қазоқистон аввалин мизбони Форуми волонтёрони Иттиҳоди Давлатҳои Мустақил мегардад»
Сардори Хадамоти алоқа бо фаъолияти ширкати «МегаФон Тоҷикистон» шинос шуд
МЕГАФОН ТОҶИКИСТОН. Наврасони Душанбе худро ситораи футбол эҳсос карданд
Имрӯз дар дар шаҳри Душанбе ҳаво то 36 дараҷа гарм мешавад
Дар баъзе аз хоҷагиҳои таҷрибавии шаҳри Ҳисор риоя нагардидани қоидаҳои агротехникаи парвариш мушоҳида мегардад
Дар шаҳри Истанбули Туркия гӯшаи миллии Тоҷикистон ташкил карда шуд
Имрӯз дар водиҳои Тоҷикистон ҳаво то 40 дараҷа гарм мешавад
Барои масъулини бахши молиявии Ҳизби Халқи Демократии Тоҷикистон машварати омӯзишӣ оғоз гардид
Маркази миллии тестӣ ба кадом гурӯҳи довталабон имтиёз медиҳад?
Садҳо нафар варзишгарони навраси ноҳияҳои тобеи ҷумҳурӣ ба майдонҳои футбол баромаданд