Мусобиқаи теннис барои Ҷоми пойтахт
Душанбе, 15.04.2016 /АМИТ «Ховар»/. Мусобиқаи кушода оид ба теннис байни дӯстдорони ин намуди олимпии варзиш барои Ҷоми пойтахт, ки ба ҷашни 25-солагии Истиқлолияти давлатии Тоҷикистон бахшида шудааст, рӯзҳои 16-17 апрел дар Қасри тенниси шаҳри Душанбе барпо мегардад. Ташкилкунандагони ин мусобиқа Корхонаи воҳиди давлатии «Қасри тенниси шаҳри Душанбе ва Раёсати ҷавонон, варзиш ва сайёҳии пойтахти кишвар мебошанд.
Дар ин бора ба хабарнигорон Тоҷиддин Тағоев, раҳбари КВД «Қасри тенниси шаҳри Душанбе» хабар дод. Ӯ афзуд: «дар ин мусобиқа, ки бори панҷум барпо мегардад, ҳудуди 30 нафар дӯстдорони теннис — намояндагони корпуси дипломатӣ ва ташкилоту созмонҳои байналмилалии муқими Тоҷикистон, ҳамчунин як қатор вазорату идораҳои ҷумҳурӣ ва соҳибкорон иштирок мекунанд.
Ба иттилои Тоҷиддин Тағоев, маросими ифтитоҳи мусобиқа 16 апрел соати 11 дар Қасри тенниси Душанбе баргузор мешавад. Ёдовар мешавем, ки мусобиқа миёни мардону занон аз рӯи як намуд — рақобатҳои инфиродӣ сурат мегирад.
Ғолибони мусобиқа миёни мардону занон ва онҳое, ки ҷойҳои дувуму севуму чорумро мегиранд, бо ҷому ифтихорномаҳои КВД «Қасри тенниси шаҳри Душанбе», Раёсати ҷавонон, варзиш ва сайёҳии Душанбе ва ҶДММ «Муҳаммад А» мукофотонида мешаванд.
ҒИЗОИ СОЛИМ. Чӣ тавр аз лӯбиё таом ва ё хӯриш омода намоем?
Имрӯз дар Тоҷикистон ҳавои тағйирёбандаи бебориш дар назар аст
ФУТБОЛ. Дастаҳои асосӣ ва ҷавонони «Вахш» бо медалҳои нуқра ва биринҷӣ мукофотонида шуданд
Имрӯз дар Тоҷикистон борон меборад
ҶАМЪБАСТИ НИШАСТҲОИ МАТБУОТӢ. Имрӯз дар якчанд вазорату идора нишасти матбуотӣ баргузор мегардад
Тарофаи мобилӣ – мувофиқи талаботи шахсии шумо
Имрӯз дар ноҳияҳои кӯҳии Тоҷикистон бориши борон ва барф дар назар аст
Бахшида ба Рӯзи байналмилалии пешгирии экстремизми хушунатомез дар шаҳри Турсунзода ҳамоиш баргузор гардид
Дар Донишгоҳи давлатии Кӯлоб бахшида ба Рӯзи ҷаҳонии занон ва духтарон дар соҳаи илм конфронси байналмилалӣ доир гардид
Имрӯз дар Тоҷикистон ҳавои тағйирёбанда пешгӯӣ мешавад
