Ҷоизаи Президенти Ҷумҳурии Тоҷикистон дар соҳаи маориф дар соли 2016

Душанбе,20.04.2016/АМИТ«Ховар»/. Вазорати маориф ва илми Ҷумҳурии Тоҷикистон барои Ҷоизаи Президенти Ҷумҳурии Тоҷикистон дар соҳаи маориф дар соли 2016 озмун эълон намуд. Ба Ҷоизаи Президенти Ҷумҳурии Тоҷикистон дар соҳаи маориф мудирон ва мураббиёни кўдакистонҳо, роҳбарону омўзгорони муассисаҳои таҳсилоти умумӣ, ибтидоӣ, миёна ва олии касбӣ, мақомоти роҳбарикунандаи маориф, кормандони идора ва шуъбаҳои маорифи вилоят, шаҳру ноҳияҳо, муассисаҳои таҳсилоти иловагӣ, кормандони Академияи илмҳои педагогӣ, ки дар раванди таълиму тарбия комёбиҳои барҷаста ба даст овардаанд, пешниҳод карда мешаванд.
Ҷоиза аз 5 мукофот иборат буда, маблағи ҳар яки он 2 ҳазор доллари амрикоиро ташкил медиҳад.
Озмун барои гирифтани Ҷоиза дар ду сол як маротиба доир мегардад.Ҷоиза аз тарафи Президенти Ҷумҳурии Тоҷикистон дар арафаи ҷашни Рўзи Истиқлолияти давлатии Ҷумҳурии Тоҷикистон супорида мешавад.