Шаҳрдори Хоруғ аз шеваи баргузории тӯйҳо розӣ нест
Хоруғ, 01.04.2016. (АМИТ «Ховар»). -Мақомоти маҳаллии ҳокимияти давлатии шаҳри Хоруғ риояи бандҳои Қонун «Дар бораи танзими анъана ва ҷашну маросимҳои миллӣ»-ро мавриди таҳлилу баррасӣ қарор дод. Раиси шаҳри Хоруғ Қиматгул Алибердиева аз фаъолияти комиссияи доимии назорат аз болои бандҳои қонуни мазкур изҳори нигаронӣ намуда, гуфт, ки ҳанӯз ҳам сокинони шаҳр ҳангоми баргузор кардани тӯю дигар маъракаҳои хурсандӣ ба исрофкорӣ роҳ медиҳанд. Истифодаи шумораи зиёди мошинҳо дар тӯй аз як сӯ агар ба буҷаи соҳибони туй зиён расонад, аз сӯи дигар баъзан вазъи низоми ҳаракати нақлиётро дар роҳҳои мошингард халалдор месозад. Ба тӯю маъракаҳои хурсандӣ ҳанӯз ҳам теъдоди зиёди одамон даъват карда мешаванд.
Ба ҷуз ин маросимҳои хурсандии хонаводагии худ, ба мисли зодрӯзу хатнатӯйҳоро дар тарабхонаю қаҳвахонаҳо баргузор мекунанд.
Раиси шаҳр ба масъулини бахш оид ба корҳои дин, танзими анъана ва ҷашну маросимҳои миллӣ супориш дод, ки аз ин баъд назоратро аз болои тарзу шеваи баргузории тӯйю маъракаҳои хурсандӣ пурзӯр намоянд, ба сокинони шаҳр фаҳмонанд, ки ҳамаи ин хароҷоту сарфи беҳуда ба нафъи онҳо нест.
Имрӯз дар шаҳри Душанбе ҳаво 12 дараҷа гарм мешавад
Имрӯз дар Агентии назорат дар соҳаи маориф ва илм, Агентии содирот, Бонки давлатии амонатгузории «Амонатбонк» ва Палатаи савдо ва саноат нишасти матбуотӣ баргузор мегардад
«Интернет барои хона» Steam-ро вусъат мебахшад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар Вазорати саноат ва технологияҳои нав, Кумитаи давлатии идораи замин ва геодезӣ, Академияи миллии илмҳо, Суди Олии иқтисодӣ нишасти матбуотӣ баргузор мегардад
Имрӯз дар баъзе ноҳияҳои Тоҷикистон туман мефарояд
Дар ноҳияи Тоҷикобод 6 коргоҳи истеҳсолӣ ба истифода дода шуд
Имрӯз дар Тоҷикистон ҳавои тағйирёбандаи бебориш пешгӯӣ мешавад
