«Тоҷикстандарт»: Воридоти беш аз 770 тонна маҳсулоти ғайристандартӣ дар се моҳ
Душанбе, 18.04.2016/АМИТ Ховар/. Агентии «Тоҷикстандарт» аз воридоти беш аз 770 тонна маҳсулоти ғизоии ғайристандартӣ дар зарфи се моҳи соли равон ба кишвар иттилоъ медиҳад. Аз ин омор беш аз 96 тонна маҳсулоти гӯштӣ, 155 тонна равғани растанӣ, 826 кг маҳсулоти макаронӣ, 500 кг маҳсулоти ширӣ, зиёда аз 2 тонна консерваҳо, 87 тонна чой, қаҳва ва какао, 23 тонна иловагиҳои ғизоӣ, беш аз 7 тонна меваю сабзавот, зиёда аз 30 тона маҳсулоти қаннодӣ, беш аз 11 ҳазор дал /1 дал баробар ба 10 литр/ нӯшокиҳои ғайриспиртӣ, 1073 дал нӯшокиҳои спиртӣ мебошанд, ки ба талаботи низомномаҳои техникӣ ҷавобгӯ набуданд. Омори воридоти маҳсулоти ғизоии ғайристандартӣ ба кишвар нисбат ба ҳамин давраи соли гузашта афзоиш ёфта, он аз тақвияти низомномаҳои техникӣ дар самти ҳимояи бозори истеъмолӣ шаҳодат медиҳад.
Ҳамзамон мақомоти «Тоҷикстандарт» бо мақсади ҳимояи бозори истеъмолӣ аз воридоти маҳсулоти пастсифату хатарнок ва ҳимояи ҳуқуқи истеъмолкунандагон тибқи талаботи қонунгузории соҳа ва санадҳои меъёрию техникӣ тадбирҳои мушаххас андешида, назоратро дар ин самт тақвият мебахшад.
Аз Агентии «Тоҷикстандарт» ба АМИТ Ховар иттилоъ доданд, ки дар ин замина дар бозору нуқтаҳои савдо ва ҳамзамон нуқтаҳои гумрукӣ назорати ҷиддӣ ба роҳ монда шуда, дар ҳамкорӣ бо мақомоти қудратӣ- Прокуратураи Ҷумҳурии Тоҷикистон, Кумитаи давлатии амнияти миллии Ҷумҳурии Тоҷикистон, Агентии назорати давлатии молиявӣ ва мубориза бо коррупсияи Ҷумҳурии Тоҷикистон ва Хадамоти гумруки назди Ҳукумати Ҷумҳурии Тоҷикистон санҷишҳои муштарак гузаронида мешаванд.
ИМРӮЗ ДАР ТОҶИКИСТОН НАВРӮЗ ФАРО МЕРАСАД! Он оғози баҳор, рамзи тавозун ва низоми дақиқи коинот ба шумор меравад
Фестивали дуюми ҷаҳонии «Наврӯзи ҷавонон» ва Форуми ҷавонони давлатҳои аъзои СҲШ доир мешавад
АНДАР ШИНОХТИ НАВРӮЗ. Мулоҳизаҳои академик Фарҳод Раҳимӣ дар бораи аҳамияти ин ҷашни бостонӣ
Эмомалӣ Раҳмон: «Соҳиби илму маърифат будан яке аз фазилатҳои бузурги инсонӣ аст»
Эмомалӣ Раҳмон: «Риояи сарфаю сариштакорӣ одоби баргузории ҳар гуна иду маросим мебошад»
Эмомалӣ Раҳмон: «Иди Фитр, ҷашни Наврӯз ва дигар ойинҳои милливу эътиқодӣ маҳз ба шарофати Истиқлоли давлатӣ эҳё гардиданд»
«ҶАМЪИЯТИ СОЛИМ». Дар Федератсияи Русия форуми соҳаи тандурустӣ доир шуд
НАВРӮЗ — ТАРОНАИ ОҒОЗИ СОЛ. Ойину суннатҳои наврӯзӣ ҳамсони ин ҷашн таърихи куҳан доранд
НАҚШИ ЗАНОН ДАР ЭҲЁИ СУННАТҲОИ НАВРӮЗӢ. Таҳти ин унвон форуми байналмилалӣ доир мешавад
Корхонаи воҳиди давлатии «Обу корези Душанбе» дар ҳавзҳои таҳшин корҳои тозасозӣ анҷом дода истодааст
Дар Душанбе намоиш-фурӯши маҳсулоти ҳунармандӣ ташкил карда шуд
«ТОҶИКИСТОН ВАТАНИ НАВРӮЗ АСТ». Таҳти чунин унвон дар шаҳри Душанбе ҳамоиш баргузор гардид
