“Ювентус“ барои Эдинсон Кавани мубориза мебарад

Душанбе, 14.04.2016 /АМИТ «Ховар»/.- Ҳамлагари дастаи мунтахаби Уругвай ва клуби футболи «ПСЖ» Эдинсон Кавани арз кардааст, ки агар Златан Иброҳимович дар мавсими ҷадиди футболи Фаронса дар ҳайати «ПСЖ» боқӣ монад, ӯ дастаро тарк хоҳад гуфт.
Ба иттилои рӯзномаи «Gazzetta Dello Sport» клуби футболи “Ювентус” барои харидории ин бозингари 29 сола 40 миллион евро пешбинӣ кардааст ва дар ин бора гуфтушунид идома дорад.
Эдинсон Кавани дар мавсими равон дар 45 вохӯрӣ иштирок карда, ба дарвозаи ҳарифон 19 тӯб задааст.