Қабули нақшаи муштараки КҲФ ва МГ ҶТ ва ФР барои солҳои 2017-2018

Душанбе, 23.05.2016 /АМИТ «Ховар»/.  Қабули  нақшаи муштарак барои солҳои 2017-2018  зимни мулоқоти раиси Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон Рустам Назарзода  бо вазири ҳолатҳои фавқулодаи Федератсияи Русия Владимир Пучков натиҷагирӣ шуда, татбиқи лоиҳаҳои рушд барои Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон баррасӣ гардид.
Тавре қаблан иттилоъ дода будем, дар доираи иштироки худ дар IX Намоишгоҳи байналмилалии таҷҳизоти бехатарӣ «Маҷмўи бехатарӣ- 2016 » , ки дар шаҳри Маскав баргузор гардид, раиси Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон Рустам Назарзода  бо вазири ҳолатҳои фавқулодаи Федератсияи Русия Владимир Пучков  мулоқот намуд.
Бино ба маълумоти котиби матбуотии кумита Ориф Нозимов, зимни мулоқот ҷонибҳо инчунин  ба масъалаҳои ҳамкории дуҷониба дар самти идоракунии ҳолатҳои фавқулода, масъалаҳои омўзиш ва бозомӯзӣ, омода кардани кадрҳо дар Академияи ҳифзи шаҳрвандии Вазорати ҳолатҳои фавқулодаи Русия ва таъсиси Маркази буҳрониро дар ҳолатҳои фавқулодаи муҷаҳҳаз бо техникаҳои зарурӣ мароқ зоҳир намуданд.