Бардошти соҳибкорони ватанӣ аз ҷаласаи XIV Комиссияи байнидавлатӣ оид ба ҳамкории ҳарбию иқтисодии давлатҳои аъзои СААД
Душанбе, 22.05.2016 /АМИТ «Ховар»/. Котиби генералии Созмони Аҳдномаи амнияти дастаҷамъӣ Николай Бордюжа зимни ҷаласаи XIV Комиссияи байнидавлатӣ оид ба ҳамкории ҳарбию иқтисодии давлатҳои аъзои Созмони Аҳдномаи амнияти Дастаҷамъӣ бо соҳибкорони ватанӣ суҳбати озоду ошкор намуд.
Н.Бордюжа иброз дошт, ки дар Тоҷикистон имрўз барои фаъолияти соҳибкорӣ аз ҷониби Президенти мамлакат муҳтарам Эмомалӣ Раҳмон тамоми шароити мусоид фароҳам оварда шудааст, ки метавон бемамониат дар ин роҳ қадами устувор гузошт. Соҳибкорон аз ин гуфтугуи озоду самимӣ истиқбол намуда, барои боз ҳам ҷоннок намудани фаъолияти соҳибкорӣ, таъмини ҷойҳои нави корӣ дар кишвар ва он имкониятҳое, ки аз ҷониби Асосгузори сулҳу Ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо мақсади таъмини рушди устувори соҳаи саноат ва соҳибкорӣ дар мамлакат муҳайё шудаанд, пурра истифода хоҳанд кард.
Тавре қаблан иттилоъ дода будем, аз 18 то 20 май дар Душанбе ҷаласаи XIV Комиссияи байнидавлатӣ оид ба ҳамкории ҳарбию иқтисодии давлатҳои аъзои Созмони Аҳдномаи амнияти Дастаҷамъӣ таҳти роҳбарии раиси Комиссияи байнидавлатӣ оид ба ҳамкории ҳарбию иқтисодии давлатҳои аъзои Созмони Аҳдномаи амнияти дастаҷамъӣ, Муовини раиси Ҳукумати Федератсияи Русия Дмитрий Рогозин, Котиби генералии Созмони Аҳдномаи амнияти дастаҷамъӣ Николай Бордюжа ва вазири саноат ва технологияҳои нави Ҷумҳурии Тоҷикистон Шавкат Бобозода баргузор гардид.
Дар ҷаласаи мазкур ҳайатҳои Тоҷикистон, Федератсияи Русия, Ҷумҳурии Арманистон, Беларус, Қазоқистон, Қирғизистон ва котиботи Созмони Аҳдномаи амнияти дастаҷамъӣ иштирок намуданд.
Дар ҷаласа 10 масъала баррасӣ гардида, дар доираи он қарорҳои дахлдор қабул гардиданд. Инчунин Протоколи ҷаласа аз тарафи Раиси Комиссияи байнидавлатӣ оид ба ҳамкории ҳарбию иқтисодии давлатҳои аъзои Созмони Аҳдномаи амнияти дастаҷамъӣ, муовини Раиси Ҳукумати Федератсияи Русия Д.Рогозин ба тасвиб расид.
Дар ҷараёни ҷаласаи номбурда ҳамкорӣ дар самти истеҳсоли маҳсулоти саноати мудофиавӣ, ташкили корхонаҳои муштарак ва ба роҳ мондани ҳамкории дуҷониба мавриди баррасӣ қарор дода шуд.
Иштирокдорон ба мувофиқа расиданд, ки соли оянда ҷаласаи навбатӣ дар Ҷумҳурии Қирғизистон баргузор хоҳад гашт.
Ҷамъи 11: МегаФон Тоҷикистон шабакаи идораҳои хизматрасонӣ ба муштариёнро васеъ менамояд
5-6 март дар Тоҷикистон борони бошиддат пешгӯӣ мешавад
Имрӯз дар Тоҷикистон борони бошиддат меборад
Дар Донишгоҳи давлатии молия ва иқтисоди Тоҷикистон оид ба роҳҳои пешгирии коррупсия, терроризм ва экстремизм ҳамоиш доир шуд
Дар Донишкадаи кӯҳию металлургии Тоҷикистон бахшида ба Рӯзи Модар ҳамоиш доир гардид
Бахшида ба Рӯзи матбуоти тоҷик дар Донишгоҳи давлатии ҳуқуқ, бизнес ва сиёсати Тоҷикистон ҳамоиш доир шуд
Имрӯз дар Тоҷикистон ҳавои абрнок пешгӯӣ мешавад
Дар Душанбе масоили афзоиши истеҳсоли маҳсулоти кишоварзӣ баррасӣ шуд
ДАРАХТ БИНШОН! Дар ноҳияи Айнӣ қариб 3000 бех ниҳол шинонида шуд
ТАҶАЛЛИБАХШИ НИГИНИ ТОҶИ МИЛЛАТ. Андешаҳо дар мавриди арҷгузорӣ ба Зан-Модар
Имрӯз дар Тоҷикистон борони кӯтоҳмуддат меборад
Дар Данғара ҷаласаи Комиссияи ҳудудӣ оид ба муқовимат ба савдои одамон доир гардид
