Дар Ашт Театри мусиқӣ-драмавии ба номи Маҳмудҷон Воҳидов таъсис дода мешавад

Май 11, 2016 16:41

Душанбе, 11.05.2016./АМИТ«Ховар»/. Бо мақсади нигаҳдории хусусияти хоси маданияти театрӣ ва рушди ин санъати асил «Муассисаи давлатии вилоятии Театри мусиқӣ-драмавии ба номи Маҳмудҷон Воҳидов» дар ноҳияи Ашт таъсис дода мешавад.
Тавре аз Хадамоти матбуоти раиси вилоят иттилоъ доданд, тибқи қарори раиси вилояти Суғд аз 6 майи соли 2016 Оиннома ва ҷадвали басти воҳиди кории Театри мусиқӣ-драмавии ба номи Маҳмудҷон Воҳидов дар ноҳияи Ашт тасдиқ гардида, сохтори театр аз маъмурият, ҳайати бадеӣ, ҳайати эҷодӣ, ҳайати бадеӣ-техникӣ ва ҳайати техникӣ иборат буда, дар он 60 воҳиди корӣ таъсис дода шудааст.
Хотиррасон менамоем, ки Асосгузори сулҳу Ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон 25 марти соли равон зимни суханронӣ дар маросими ифтитоҳи Қасри фарҳанги ноҳияи Ашт пешниҳод намуда буд, ки Қасри мазкур ба театри касбӣ табдил дода, ба он номи ҳунарманди маъруф Маҳмудҷон Воҳидов гузошта шавад.

Май 11, 2016 16:41

Хабарҳои дигари ин бахш

Имрӯз дар дар шаҳри Душанбе ҳаво то 36 дараҷа гарм мешавад
Дар баъзе аз хоҷагиҳои таҷрибавии шаҳри Ҳисор риоя нагардидани қоидаҳои агротехникаи парвариш мушоҳида мегардад
Дар шаҳри Истанбули Туркия гӯшаи миллии Тоҷикистон ташкил карда шуд
Имрӯз дар водиҳои Тоҷикистон ҳаво то 40 дараҷа гарм мешавад
Барои масъулини бахши молиявии Ҳизби Халқи Демократии Тоҷикистон машварати омӯзишӣ оғоз гардид
Маркази миллии тестӣ ба кадом гурӯҳи довталабон имтиёз медиҳад?
Садҳо нафар варзишгарони навраси ноҳияҳои тобеи ҷумҳурӣ ба майдонҳои футбол баромаданд
Дурнамои таҳсилоти донишҷӯёни тоҷик дар Донишгоҳи Бирмингем баррасӣ гардид
ТАВСИЯИ МУТАХАССИС. Барои безарар ва хушсифат консерва намудани маҳсулот чӣ бояд кард?
Имрӯз дар Тоҷикистон ҳаво то 33 дараҷа гарм мешавад
Хоҷагиҳои кирмакпарварии ноҳияи Рашт истеҳсоли беш аз 16 тонна пиллаи хушсифатро ба нақша гирифтаанд
Иштирокдорони Конфронси байналмилалии сатҳи баланд оид ба ҳифзи пиряхҳо дар Қалъаи Ҳисор бо таърихи халқи тоҷик шинос шуданд