Дар натиҷаи офатҳои табиӣ оилаҳои муҳоҷирони дохилӣ ва экологӣ низ зарар диданд
Душанбе, 20.05.2016 /АМИТ «Ховар»/. Сардори Раёсати Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон дар вилояти Суғд Зайнура Шарифова аз деҳаҳои аз офати табиӣ зарардидаи Лолазор ва Даштикони ҷамоати деҳоти Яхтани ноҳияи Деваштич дидан намуд.
Зимни мулоқот бо сокинони деҳаҳои мазкур, ки дар он ҷо 18 оилаи муҳоҷирони дохилӣ ва экологӣ низ зиндагӣ менамоянд, маълум гардид, ки 14 майи соли равон дар натиҷаи омадани сел қитъаҳои заминҳои наздиҳавлигӣ, қисман хонаҳои истиқоматӣ ва захираҳои маводи рӯзгор, ки дар таҳхонаҳо нигоҳ дошта мешуданд, зери лойқа мондаанд.
Дар айни замон дар ин мавзеъҳо корҳои безараргардонӣ аз ҷониби маркази санитарию эпидемиологии ноҳия ҷараён доранд.
Инчунин сардори Раёсати Хадамоти муҳоҷират дар вилоят ҷиҳати расонидани кумаки моддӣ ба оилаҳои муҳоҷирони аз офати табиӣ зарардида ба ташкилотҳои ҷамъиятию ғайридавлатӣ муроҷиат намуд.
Сокинон ва зарардидагон боварӣ доранд, ки бо дастгирии давлату Ҳукумат ва соҳибкорону саховатмандон, дар маҷмӯъ, аҳли ҷомеа оқибатҳои офати табиӣ ба зудӣ бартараф мешаванд.
НИШАСТИ МАТБУОТӢ. Аз корхонаҳои истеҳсолии ноҳияи Ёвон ба хориҷи мамлакат беш аз 134 ҳазор тонна семент содирот гардид
7 август дар вазоратҳои корҳои дохилӣ, адлия, Суди Олӣ, Хадамоти гумрук ва Палатаи ҳисоб нишасти матбуотӣ баргузор мегардад
Ба Тоҷикистон ба маблағи беш аз 143 миллион доллар гандум ворид карда шудааст
Ташкилоти молиявию қарзии Хатлон ба иқтисодиёт беш аз 2 миллиард сомонӣ қарзҳои бонкӣ ҷудо намудаанд
Ба Тоҷикистон ба маблағи зиёда аз 443 миллион доллар маҳсулоти нафтӣ ворид карда шудааст
Имрӯз дар Тоҷикистон ҳаво камабри бебориш мешавад
ОБОДОНӢ ДАР ДЕҲОТ. Дар деҳаи Роҷи Панҷакент варзишгоҳи мактабӣ ба истифода дода шуд
3010 нафар сайёҳони хориҷӣ манзараҳои нотакрори Ховалингро тамошо намуданд
Дар Хатлон 165 бинои нави муассисаҳои таълимӣ бунёд карда мешавад
Имрӯз дар Тоҷикистон гармии ҳаво ба 37 дараҷа мерасад
