«Газовик»-и Фарҳод Восиев номашро дигар мекунад

Душанбе, 6.05.2016 /АМИТ «Ховар»/. Клуби футболи «Газовик»-и Оренбург, ки дар ҳайати он узви дастаи мунтахаби Тоҷикистон Фарҳод Восиев ҳунарнамоӣ дорад ва соли равон ба премйер-лигаи Русия роҳхат гирифтааст, номашро дигар мекунад. Дар ин бора президенти клуб Василий Столипин хабар додааст.
«Клуби мо мухлисони зиёд дорад,-гуфтааст ӯ, -аз ин хотир мо шарафи шаҳри Оренбургро ҳимоя мекунем ва ҳоло ба губернатори вилоят ва мири шаҳр дархост кардем, ки номи дастаро дигар кунем. Аз тарафи дигар муассисони мо иваз мешаванд», афзудааст ӯ.
Ёдрас мешавем, ки КФ «Газовик» 4 давр пеш аз анҷоми лигаи миллии футболи Русия баъди ғалаба бар Сокол ҳаққи иштирок дар премйер-лигаи Русияро дар соли равон ба даст овардааст ва имрӯз бо дастаи «Волга» қувва меозмояд.