Гурӯҳи корӣ барои санҷиши оқибатҳои офати табиӣ ба водии Зарафшон сафар намуд
Душанбе, 12.05.2016, /АМИТ «Ховар»/. Дар натиҷаи боришоти чанд рӯзи охир ба бархе аз ҷамоатҳои шаҳри Панҷакент ва ноҳияи Айнӣ сел омада, ба баъзе минтақаҳо хисорот ворид намуд.
Бино ба маълумоти Ситод оид ба ҳолатҳои фавқулода ва мудофиаи граждании вилояти Суғд 9 май дар ҷамоати деҳоти Дар-Дар дар натиҷаи боришоти зиёд сел омад ва заминҳои киштзори хоҷагии деҳқонии «Деваштич» қисман зарар диданд. Дар натиҷаи борон оби сойи Дар-Дар 2 метр баланд гардида, 6 хонаи истиқоматӣ зери хавф қарор дорад. Дар натиҷаи боришоти 11 май дар деҳаи Нарвади ҷамоати деҳоти Фондарё низ сел омада, 3 сар моли хурд, 10 сар моли калони шохдор талаф ёфта, бархе аз заминҳои наздиҳавлигӣ зери об мондаанд. Дар ин минтақа инчунин 1 км роҳ, як пули мошингузар қисман хароб гардида, 1 пули пиёдагузар пурра вайрон шудааст. Соати 12-00-и 11 май дар деҳаи Путхини ҷамоати деҳоти Айнӣ аз сабаби боришоти зиёд оби сойи деҳа баланд шуд ва дар натиҷа 5 пули одамгузар пурра вайрон шуда, зиёда аз 80 сотих заминҳои шахсии мардум зери обу лой монданд.
Дар деҳаи Новдонак дар натиҷаи сангфароӣ қисме аз қубурҳои обгузар вайрон гардидаанд. Соати15-30 дар километри 11 — 14 ва 20-уми шоҳроҳи Айнӣ Панҷакент резиши санг ба амал омада, ҳаракати нақлиётро мушкил гардонид ва дар айни замон ширкатҳои роҳу пулсозӣ барои бартараф намудани пайомадҳои сангрезӣ сафарбар карда шудаанд.
Бояд зикр кард, ки бо дастури раиси вилояти Суғд Абдураҳмон Қодирӣ бо мақсади санҷиш ва пурра омӯхтани вазъи ҳодисаҳои фавқулода дар айни замон гурӯҳи кории Мақомоти иҷроияи ҳокимияти давлатии вилояти Суғд дар минтақаҳои аз офат зарардида қарор дорад.
«КИТОБ БАРОИ МУҲОФИЗОНИ ВАТАН». Бахшида ба Рӯзи Қувваҳои Мусаллаҳи Ҷумҳурии Тоҷикистон иқдоми тақдими китоб идома дорад
Имрӯз дар баъзе ноҳияҳои Тоҷикистон бориши борон ва барф дар назар аст
АМАЛИЁТИ «ПИЁДАГАРД». Ҳадафи он коҳиш додани сатҳи садаманокӣ дар Тоҷикистон аст
МУШОҲИДОНИ БАЙНАЛМИЛАЛӢ. Қоидаҳои иштирок ва мақоми онҳо дар интихоботи вакилони Маҷлиси намояндагони Маҷлиси Олии Ҷумҳурии Тоҷикистон чӣ гуна аст?
«ЭЪЛОМИЯИ ҲУҚУҚИ БАШАРИ КУРУШИ КАБИР». Ин санад бузургтарин мероси маънавӣ дар миқёси умумибашарӣ аст
Имрӯз дар баъзе ноҳияҳои Тоҷикистон борон меборад
Танбашавии мошинҳо дар роҳҳои байналмилалие, ки аз маркази шаҳри Ваҳдат мегузаранд, кай бартараф мегардад?
ҲИСОББАРОБАРКУНИИ ҒАЙРИНАҚДӢ. 6 миллион амалиёти пардохти андоз ва боҷҳо ба тариқи ғайринақдӣ анҷом ёфт
НАВРАСОНИ АСРИ ТЕХНОЛОГИЯ. Дар Душанбе машварати омӯзишӣ аз фанни технологияи иттилоотӣ доир шуд
Имрӯз дар баъзе ноҳияҳои Тоҷикистон борон ва барф меборад
ҶАМЪБАСТИ НИШАСТҲОИ МАТБУОТӢ. Имрӯз дар Вазорати молия, Кумитаи рушди сайёҳӣ, Прокуратураи генералӣ ва Агентии назорати давлатии молиявӣ ва мубориза бо коррупсия нишасти матбуотӣ баргузор мегардад
Дар Женева дастовардҳои Тоҷикистон дар соҳаи роҳу нақлиёт муаррифӣ шуд
