Инъикоси ҷараёни раъйпурсӣ аз тарафи 380 намояндаи ВАО
Душанбе, 23.05.2016 /АМИТ «Ховар»/. Барои дар сатҳи баланд баргузор намудани раъйпурсии умумихалқӣ оид ба ворид намудани тағйиру иловаҳо ба Конститутсияи (Сарқонуни) Ҷумҳурии Тоҷикистон аз тарафи Комиссияи марказии интихобот ва раъйпурсӣ 10 ҷаласа баргузор шуда буд, — чунин гуфт зимни брифинги матбуотӣ раиси Комиссияи марказии интихобот ва раъйпурсии Ҷумҳурии Тоҷикистон Бахтиёр Худоёрзода ва илова кард, ки: «Дар давраи омодагиҳо ба раъйпурсии умумихалқӣ дар ҳамаи шаҳру ноҳияҳои мамлакат, ташкилоту муассисаҳо, корхонаҳо, мактабҳои олӣ, шаҳраку деҳаҳо суҳбату вохӯриҳо бо сокинони касбу кори гуногун баргузор шуданд». Варақаҳои иттилоотӣ ва маълумотдиҳӣ барои раъйдиҳандагон дастрас гардида, дар васоити ахбори омма, радио, телевизион ва сомонаҳои интернетӣ мақолаву гузоришҳо ва дигар мавод нашр шуданд. Умуман ин маъракаи сиёсиро 380 нафар намояндагони ВАО инъикос карданд.
Хотиррасон мекунем, ки дирӯз дар саросари Тоҷикистон раъйпурсии умумихалқӣ оид ба ворид намудани тағйиру иловаҳо ба Конститутсияи (Сарқонуни) Ҷумҳурии Тоҷикистон баргузор гардид. Имрӯз Комиссияи марказии интихобот ва раъйпурсӣ брифинги матбуотӣ баргузор карда, натиҷаҳои пешакии раъйпурсиро эълон намуд.
Мувофиқи ҳисоботи пешакӣ дар ин маъракаи сиёсӣ 4 миллиону 38 ҳазору 183 нафар раъйдиҳандагон иштирок намуда, 3 миллиону 814 ҳазору 477 нафар ба ҷонибдории тағйиру иловаҳо ба Конститутсияи (Сарқонуни) Ҷумҳурии Тоҷикистон раъй додаанд. 3,3% раъйдиҳандагон ба муқобили ворид кардани тағйиру иловаҳо ба Конститутсия овоз додаанд.
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
МАСЛИҲАТИ МУТАХАССИС. Мураббои анҷир кори дил ва рагҳои хунгардро муътадил мегардонад
Дар ҳашарҳои экологӣ 9 км канори шоҳроҳи мошингарди Исфара-Хуҷанд аз партовҳо тоза карда шуд
Имрӯз дар Тоҷикистон сар задани селҳои пиряхӣ аз эҳтимол дур нест
Дар Суғд ғолибони даври вилоятии озмунҳои ҷумҳуриявӣ муайян гардиданд
Имрӯз дар Тоҷикистон чангу ғубор боқӣ мемонад
