Кормандони ВКД шаҳрванди ҶИА-ро бо беш аз 40 кило маводи мухаддир дастгир намуданд
Душанбе, 30.05.16. /АМИТ «Ховар»/. Кормандони ҳифзи ҳуқуқ шаҳрванди Ҷумҳурии Исломии Афғонистонро бо гумони даст доштан дар гардиши ғайриқонунии маводи нашъадор дастгир намуданд.
Тавре ки сомонаи расмии ВКД хабар медиҳад, ҳангоми гузаронидани чорабиниҳои фаврию ҷустуҷӯӣ аз ҷониби кормандони ШВКД-1 дар ноҳияи Сино шаҳрванди Ҷумҳурии Исломии Афғонистон, марди 52-солаи сокини шаҳри Кобул, муваққатан истиқоматкунандаи шаҳри Душанбе дастгир гардид, ки гумонбаршуда, бо маслиҳати пешакӣ дар ҳудуди ҷамоати деҳоти Чӯбеки ноҳияи Ҳамадонӣ бо ҳаммаслаконаш маводи мухаддирро пинҳон кардаанд.
Дар вақти гузаронидани ҳаракатҳои тафтишотӣ аз мавзеи пинҳонкардашудаи ҷинояткорон 40 килою 600 грамм маводи нашъадори навъи ҳашиш дарёфт ва мусодира карда шуд.
Барои муайян ва дастгир кардани ҳаммаслакони гумонбаршуда чорабиниҳои фаврӣ-ҷустуҷӯӣ идома доранд.
Имрӯз дар Тоҷикистон ҳавои тағйирёбанда дар назар аст
ҶАМЪБАСТИ НИШАСТҲОИ МАТБУОТӢ. Имрӯз дар Прокуратураи генералӣ, Вазорати молия, Кумитаи андоз, Агентии назорати давлатии молиявӣ ва мубориза бо коррупсия ва Агентии суғуртаи иҷтимоӣ ва нафақа нишасти матбуотӣ баргузор мегардад
«Анор»: Вақте шунидани овоз муҳимтар аст
Имрӯз дар Тоҷикистон ҳавои тағйирёбанда дар назар аст
НИШАСТИ МАТБУОТӢ. Аз корхонаҳои истеҳсолии ноҳияи Ёвон ба хориҷи мамлакат беш аз 134 ҳазор тонна семент содирот гардид
Ба Тоҷикистон ба маблағи беш аз 143 миллион доллар гандум ворид карда шудааст
Ташкилоти молиявию қарзии Хатлон ба иқтисодиёт беш аз 2 миллиард сомонӣ қарзҳои бонкӣ ҷудо намудаанд
Ба Тоҷикистон ба маблағи зиёда аз 443 миллион доллар маҳсулоти нафтӣ ворид карда шудааст
Имрӯз дар Тоҷикистон ҳаво камабри бебориш мешавад
