Мавзуна Чориева чемпиони Осиё гардид!
Душанбе, 10.05.16 /АМИТ «Ховар»/. Аз 3 то 9 май дар Душанбе Чемпионати Осиё оид ба муштзанӣ байни донишҷӯён баргузор шуд. Дар ин мусобиқаи сатҳи ҷаҳонӣ донишҷӯёни 11 давлати дунё қувваозмоӣ намуданд. Тоҷикистонро Мавзуна Чориева муаррифӣ намуда, ба рақибони худ дастболо гардид.
Тавре ки сомонаи расмии Вазорати корҳои дохилии ҷумҳурӣ хабар медиҳад, дар мусобиқа М. Чориева бо маҳорати баланди варзишӣ ду рақиби худро, яке аз Ҷумҳурии Тоҷикистон дар байни 15 сония ва дигарӣ аз Ҷумҳурии Муғулистон дар се раунд мағлуб намуд.
Ҳамин тариқ, дар ин мусобиқа Мавзуна Чориева соҳиби ҷойи якум ва унвони чемпиони Осиё гардид.
Мавриди зикр аст, ки Мавзуна ҳоло шунавандаи курси сеюми шуъбаи ғоибонаи факултаи №3-и Академияи Вазорати корҳои дохилӣ буда, дар риштаи ҳуқуқшиносӣ таҳсил менамояд. Ӯ пайваста барои баланд бардоштани малакаю маҳорати касбӣ ва донишу маърифати худ талош варзида, бо дастовардҳои нав ба нави варзишӣ Парчами Ватани азизамонро дар арсаи байналмилалӣ баланд мебардорад.
НИШАСТИ МАТБУОТӢ. Дар Хуҷанд ба маблағи беш аз 2 миллиард сомонӣ маҳсулот истеҳсол гардидааст
Пагоҳ дар Вазорати нақлиёт, Кумитаи бехатарии озуқаворӣ, Агентии авиатсияи гражданӣ ва Хадамоти алоқа нишасти матбуотӣ доир мегардад
Вобаста ба Лоиҳаи USAID оид ба рушди соҳибкорӣ ва таъсиси ҷойи кор дар Тоҷикистон машварати иттилоотӣ доир шуд
Имрӯз дар баъзе ноҳияҳои Тоҷикистон туман мефарояд
Имрӯз дар Агентии хизмати давлатӣ, Академияи идоракунии давлатӣ, Хадамоти назорати давлатии бехатарии корҳо дар саноат ва соҳаи кӯҳкорӣ ва Саридораи геология нишасти матбуотӣ доир мегардад
Ҷашни пуршукуҳи ниёгон-Сада дар вилояти Хатлон бо шаҳомати хосса таҷлил гардид
Дар шаҳри Турсунзода иди Сада бо риояи суннатҳои аҷдодӣ таҷлил гардид
«Сомон Эйр» мутахассисони баландихтисосро ба кор даъват мекунад
Имрӯз дар Тоҷикистон ҳавои тағйирёбандаи бебориш пешгӯӣ мешавад
