Мо барои васл кардан омадем!
Хоруғ, 02.05.2016 /АМИТ «Ховар»/. Дар чаҳорчӯби Рӯзҳои фарҳанги вилояти Суғд дар ВМКБ намоиш ва фурӯши ҳунарҳои дастӣ, маҳсулоти кишоварзию саноатӣ дар боғи фарҳангию фароғатии шаҳри Хоруғ баргузор гардид, ки дар он наздики 15 ҳазор сокини шаҳру навоҳии вилоят ширкат доштанд.
Дар гӯшаи дигари ин боғ намоиши адабӣ-мусиқии «Арӯси хуҷандиву зарафшонӣ» доир гардид, ки мухлисон бо шодмонию хушҳолӣ ва кафкӯбиҳои бардавом аз он истиқбол гирифтанд. Яке аз иштирокдорони ин базми дӯстӣ, шоири маъруфи тоҷик Нурмуҳаммад Ниёзӣ гуфт, ки: «Аксарияти ҳамсафарони мо бори аввал аз Бадахшон дидан мекунанд ва се рӯз боз табассум аз лаб ва шодӣ аз дил канда намешавад. Ҳамин аст ваҳдати ҳақиқию самимӣ-вақте ду бародар ё хоҳар дар бари ҳам мешинанду бо ҳарфҳои пур аз меҳру садоқат бо ҳам суҳбат мекунанд. Як чизи ҷолиби дигари ин маҳфили дӯстӣ он аст, ки мо дар на меҳмонхона, балки дар хонаи бародарону хоҳарони бадахшонии худ зиндагӣ дорем. Ба қавле бо шарофати ин сафар соҳиби хона ҳам шудем. Баъд аз ин вақти сафар ба Бадахшон диламон пур аст, ки дар шаҳри Хоруғ манзил дорем. Сари дастархон нишаста мисли ду хеши наздик аз ҳолу рӯзгори ҳам пурсон мешудем. Ногуфта намонад, ки мардуми Бадахшон лутфу танзу шӯхиро дӯст медоранд, ки ин хислат ҳангоми муошират тамоми монеаҳоро аз байн мебарад».
Раиси вилояти Суғд ҳамроҳ бо раиси ВМКБ аз ҳоли чанд нафар аз ходимони давлат хабар гирифтанд ва аз номи мақомоти маҳалии ҳокимияти давлатии вилояти Суғд ба онҳо туҳфаҳо тақдим карданд.
Рӯзи 1 май меҳмонони суғдиро сокинони шаҳри Хоруғ аз майдони ба номи Исмоили Сомонӣ ба пойтахти кишвар гусел карданд.
ТАЪТИЛРО БОСАМАР ГУЗАРОНЕМ! Таҳти ин шиор Донишгоҳи байналмилалии забонҳои хориҷии Тоҷикистон озмуни китобхонии фосилавиро эълон намуд
Ваколатдор оид ба ҳуқуқи инсон ҷиҳати баланд бардоштани маърифати ҳуқуқии шаҳрвандон 46 машварати сайёри ҳуқуқӣ гузаронид
Пагоҳ дар Агентии хизмати давлатӣ, Хадамоти назорати давлатии бехатарии корҳо дар саноат ва соҳаи кӯҳкорӣ, Академияи идоракунии давлатӣ ва Саридораи геология нишасти матбуотӣ баргузор мегардад
Вазорати энергетика: «Воридот ва нархи гази моеъ таҳти назорати мақомоти ваколатдори соҳа қарор дорад»
«ФАЙЗИ ИСТИҚЛОЛ». Дар басти сеюми ин лагер 410 кӯдаку наврас ба истироҳат фаро гирифта шуд
Суҳбат дар баландӣ. Сокинони ВМКБ бо топ-менеҷерони ширкати «МегаФон Тоҷикистон» мулоқот намуданд
Дар Кӯлоб вобаста ба саҳми шуроҳои ҷамъиятӣ дар амалишавии ислоҳоти милитсия ҳамоиш баргузор шуд
Имрӯз дар Тоҷикистон ҳавои тағйирёбанда пешгӯӣ шудааст
Бо иқдоми соҳибкорони ватанӣ заминҳои кишоварзии ноҳияи Деваштич обёрӣ гардиданд
Таътили тобистонаи хонандагон дар истироҳатгоҳи омӯзишии «Истиқлол»-и назди Донишгоҳи давлатии Кӯлоб бофароғат мегузарад
