Намоишгоҳи байналмилалии «Маҷмўи бехатарӣ- 2016» дар Маскав

Душанбе, 18.05.2016 /АМИТ «Ховар»/. Намоишгоҳи IX байналмилалии таҷҳизоти бехатарӣ « Маҷмўи бехатарӣ- 2016 » 17 май дар шаҳри Маскав  ба кори худ шурўъ кард.
Дар кори он  раиси Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон Рустам Назарзода иштирок намуд.
Дар доираи намоишгоҳи махсус, Р.Назарзода бо Дабири кулли Созмони байналмилалии мудофиаи гражданӣ  В.Кувшинов вохўрд. Инчунин раиси КҲФ ва МГ бо  сардори Академияи мудофиаи граждании Вазорати ҳолатҳои фавқулодаи Федератсияи Русия П.Баришев ва бо  шунавандагони Академия, ки аз ҷониби Кумитаи ҳолатҳои фавқулода ва мудофиаи граждании назди Ҳукумати ҶТ барои  омӯзиш равона карда шудаанд, мулоқот намуд.
Ҳамчунин Р.Назарзода дар машқҳои намоишӣ, ки дар доираи омӯзиши Намоишгоҳи байналмилалии таҷҳизоти бехатарӣ «Маҷмўи бехатарӣ — 2016»  баргузор шуданд, иштирок намуд.
Имрӯз, 18 май раиси Кумита бо вазири ҳолатҳои фавқулодаи Федератсияи Русия В.Пучков  вохӯрд.