Ҷоми КФО: Рақибони бозиҳои 1/8- ниҳоӣ муайян шуданд

Душанбе, 13.05.2016 /АМИТ «Ховар»/.Дар қароргоҳи Конфедератсияи футболи Осиё шаҳри Куала Лумпури Малайзия қуръакашии бозиҳои 1/8- ниҳоии Ҷоми КФО баргузор гардид. Ҳарифони дастаи «Истиқлол»-и Душанбе дар гурӯҳи «Б» «Нафт Алвасат»-и Ироқ бо «Алҷайш»-Сурия ва «Алфайсалӣ»-и Урдун бо «Алмуҳаррақ»-и Баҳрайн дар чаҳорчӯби ин бозиҳо бо ҳам қувва меозмоянд.
Ба ҳамин тартиб, бозиҳои аввали 1/8 ниҳоӣ 24 май бо ширкати «Алаҳад»-и Лубнон бо «Алваҳда»-и Сурия, «Айр Форс»-и Ироқ бо «Алваҳдат»-и Урдун, «Сирес ла Сейл»-и Филиппин бо «Сауз Чайна-и Чин, «Моҳун Баган»-и Ҳидустон бо «Тампинс Роверс»-и Сингапур, 25 май «Нафт Алвасат»-и Ироқ бо «Алҷайш»-Сурия, «Алфайсалӣ»-и Урдун бо «Алмуҳаррақ»-и Баҳрайн, «Китчи»-и Гон-Конг бо «Бангалуру»-и Ҳиндустон ва «Ҷаҳор дарул таъзим»-и Малайзия бо «Кайа»-и Филиппин вориди майдон мешаванд.