Омодагӣ ба мавсими ғалладаравӣ

Душанбе, 28.05.2016 /АМИТ Ховар/. Дар хоҷагиҳои деҳқонӣ (фермерӣ) ва инфиродии ҷумҳурӣ маъракаи ҷамъоварии ҳосили ғалладонагиҳо оғоз гардидааст. Барои ин маърака истифодаи техникаҳои кишоварзӣ муҳим буда, он кори деҳқононро аз ҳар ҷиҳат осон менамояд.
Тавре ки аз Вазорати кишоварзии ҷумҳурӣ маълумот доданд, то  20 майи соли равон дар хоҷагиҳои кишоварзии ҷумҳурӣ 701 адад комбайни ғалладарав дар ҳолати омодагӣ қарор доранд.
Дар айни замон дар мавсими ҷамъоварии ҳосили ғалладонагиҳо дар вилояти Хатлон 23 адад комбайни ғалладарав барои ҷамъоварии ғалладонагиҳо ҷалб карда шудаанд.