Таҷлили Рӯзи Ғалаба дар шаҳри Берлин
Душанбе, 10.05.2016 /АМИТ «Ховар»/. 9 майи соли равон дар шаҳри Берлин ҷашнгирии 71-умин солгарди Рӯзи Ғалаба дар Ҷанги дуюми ҷаҳон бо гулгузорӣ дар боғи Трептов, ки дар он наздики ҳафтуним ҳазор аскарони Шуравӣ дафн шудаанд, оғоз гардид. Сафири Тоҷикистон дар Олмон Маликшо Неъматов дар якҷоягӣ бо сафирони Арманистон, Беларус, Қазоқистон, Қирғизистон, Молдова, Озарбойҷон, Русия, Туркманистон ва Узбекистон бо нишони эҳтиром ва қадршиносӣ ба қаҳрамониҳои ҷанговарони шуҷоъ дар мубориза бар зидди фашизм дар назди ҳайкали сарбози озодибахш гулчанбар гузошта, баъдан ба назди қабри бародаронаи рақами 12 омада, ба хотири поси хотираи аскарон, ки байни онҳо 5 нафар намояндагони Тоҷикистон дафн шудаанд, гулдаста гузоштанд.
Ҳамзамон дар маҷмааи поси хотираи Тиергартен маросими гулгузорӣ баргузор гардид. Дар таҷлили Рӯзи Ғалаба дар баробари намояндагони корпуси дипломатӣ, ветеранҳои ҷангу меҳнат, шаҳрвандони Олмон, намояндагони сохторҳои давлатии Олмон, ҳамватанони бурунмарзӣ ва меҳмонони шаҳри Берлин иштирок намуданд.
Дар ин бора аз Сафорати Тоҷикистон дар Олмон хабар доданд.
Имрӯз дар Тоҷикистон раъду барқ ба амал меояд
Варзишгарони паралимпии Тоҷикистон бо 37 медал ба Ватан баргаштанд
Шарҳи расмии Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон оид ба раддабандии ҷумҳурӣ аз лиҳози ифлосшавии ҳавои атмосферӣ
Имрӯз дар баъзе ноҳияҳои Тоҷикистон борони кӯтоҳмуддат меборад
Имрӯз дар Тоҷикистон чангу ғубор ба амал меояд
МегаФон Тоҷикистон дар ҷумҳурӣ нахустин пайвасткунии тарофаҳо ва хизматрасониҳоро тавассути сомонаи расмӣ ба роҳ монд
Имрӯз дар Тоҷикистон ҳавои тағйирёбанда пешгӯӣ мешавад
Дар Бохтар оид ба даъвати баҳории ҷавонон ба хизмати ҳарбӣ ҳамоиш баргузор гардид
Имрӯз дар водиҳои Тоҷикистон ҳаво то 27 дараҷа гарм мешавад
Зудтару дақиқтар: дар Тоҷикистон сифати хизматрасониҳои мобилиро беҳтар мекунанд
Имрӯз дар шаҳри Душанбе ҳаво то 27 дараҷа гарм мешавад
Имрӯз дар Тоҷикистон ҳаво абрнок шуда, борон меборад
