Тоҷикистон ва Австрия ҳамкории гумрукиро тақвият медиҳанд
Душанбе, 17.05.2016/АМИТ «Ховар»/. Мақомоти гумруки Тоҷикистон ва Австрия ҳамкории мутақобилан судмандро густариш медиҳанд. Дар ин росто масъалаи роҳандозии лоиҳаи «Баланд бардоштани иқтидори идораҳои гумрук дар Осиёи Марказӣ» дар мулоқоти Хуршед Каримзода -муовини аввали сардори Хадамоти гумруки назди ҳукумати ҷумҳурӣ бо Тюри Вернер, намояндаи мақомоти гумруки Вазорати федеролии молияи Австрия дар Душанбе матраҳ гардид.
Дар мулоқот зикр шуд, ки Австрия дар доираи фаъолияти Дафтари Созмони амният ва ҳамкорӣ дар Аврупо /САҲА/ шурӯъ аз соли 2017 ба кишварҳои Осиёи Марказӣ, аз ҷумла Тоҷикистон ҳамкории судмандро дар бахши иқтисод ва гумрук ба таври густурда амалӣ менамояд. Тюри Вернер таъкид кард, ки нақши фаъоли Вазорати федеролии молияи Австрия дар доираи раисии Дафтари САҲА аз ташкили давраҳои омӯзишӣ (Workshops) дар минтақа, иштироки фаъолона дар вохӯриҳои сатҳи байналмилалӣ, ҳамкории мутақобилан судманд бо мақомоти гумруки кишварҳои Осиёи Марказӣ, тақвияти нақши Австрия ҳамчун миёнарав ва шарики боэътимод дар минтақа, ҷорӣ намудани шабакаи ягона дар минтақа бо мақсади манзури маълумоти марбут ба қаллобӣ ва ҷанбаҳои амниятӣ, идоракунии таваккал, ҳамгироӣ ва идоракунии сарҳадот, барасмиятдарории гумрукӣ, тартиби гумрукӣ бо назардошти шакли содагардонии расмиёти савдо, ташкили шароити устувор барои воридот ва содироти иқтисоди австриягӣ ба минтақа иборат мебошад.
Дар мулоқот зикр шуд, ки дар доираи лоиҳаи мазкур инчунин ташкили семинару вохӯриҳои ҳамоҳангсозӣ, баррасии паҳлуҳои гуногуни ҳамкории минбаъда дар соҳаи сарҳадот, гумрук, мубодилаи иттилоот, эҷоди заминаҳои мусоид барои содироти мол аз Австрия ба кишварҳои Осиёи Марказӣ роҳандозӣ хоҳанд шуд.
Чӣ тавр ёварони овозӣ дар ҳолатҳои гуногуни зиндагӣ кумак мекунанд
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
