«190-рӯзи ободонӣ ва сабзазоркунӣ» дар тамоми шаҳру ноҳияҳои ҷумҳурӣ

Душанбе, 16.06.16./АМИТ «Ховар»/. Барои сазовор пеш воз гирифтани 19-умин солгарди Ваҳдати миллӣ ва 25-солагии Истиқлолияти давлатии Ҷумҳурии Тоҷикистон дар асоси нақшаи чорабиниҳои «190-рӯзи ободонӣ ва сабзазоркунӣ»дар тамоми шаҳру ноҳияҳои ҷумҳурӣ   чорабиниҳои оммавӣ гузаронида мешаванд.
Бахшида ба ин рӯз кормандони   муассисаву корхонаҳои ҳудуди шаҳри Қурғонтеппа ба ҳашар баромада, ба тозагию ободонӣ машғул гардиданд.
Тавре аз хадамоти матбуотии шаҳри Қурғонтеппа иттилоъ доданд, дар ин ҳашарҳо хиёбону кӯчаҳо, қубурҳои обгузар, ҷойҳои партовпарто тоза карда шуда,  дар назди муҷассамаҳо гулҳои ороишӣ ва мавсимӣ шинонида шуданд.