Ҷаҳонгир Эргашев: «Голҳоро ба модарам мебахшам»
Душанбе, 03.06.2016 /АМИТ «Ховар»/. Узви дастаи мунтахаби Тоҷикистон Ҷаҳонгир Эргашев, ки беҳтарин бозингари вохӯрии байни дастаҳои мунтахаби Тоҷикистон ва Бангладеш эълон шуд, дар суҳбат ба хабарнигори «Ховар» иттилоъ дод, ки ду голи задаашро дар бозии плей-оффи Чемпионати Осиё -2019 дар варзишгоҳи марказии шаҳри Душанбе, ки бо натиҷаи 5 бар 0 ба поён расид, ба модараш мебахшад.
«Модарам ҳамеша ба ман ғамхору мушфиқ аст, -мегӯяд ӯ,-дар ҳар ҷое набошам, маро дастгирӣ мекунад ва ба роҳи рост ҳидоят месозад. Ҳоло ки дар дастаи «Динамо»-и Беларус бозӣ мекунам, дурии ӯро эҳсос менамоям ва имрӯз ин голҳои задаамро ба модарам мебахшам. Ба сармураббии дастаи мунтахаб Ҳаким Фузайлов ташаккур мегӯям, ки ба ман бовар кард ва дар ҳайати асосӣ ҷой дод».
Ҷаҳонгир Эргашев соли равон баъди бозиҳои Ҷоми Иттиҳоди давлатҳои муштаракулманофеъ дар шаҳри Санкт-Петербурги Русия шартномаи худро бо дастаи «Динамо»-и Брест ба имзо расонд ва ҳоло шарафи ин дастаро ҳимоя мекунад. Ӯ дар ҳамаи бозиҳои имсолаи «Динамо» ширкат карда, муаллифи як гол шудааст.
Ҷаҳонгир Эргашев дастпарвари клуби футболи «Хуҷанд» буда, дар шаҳри Қайроққум 6 марти соли 1994 ба дунё омадааст. Дар ҳайати дастаҳои «Хуҷанд», КМВА «Помир» ва «Истиқлол» ҳунарнамоӣ карда, бо «Истиқлол» соҳиби Ҷоми олии Тоҷикистон(2012), Ҷоми даъвати КФО(2012) ва Ҷоми Тоҷикистон(2013) гардидааст. Узви дастаи мунтахаби наврасон, ҷавонон ва миллии Тоҷикистон аз соли 2013 мебошад.
Ёдрас мешавем, ки Ҷаҳонгир Эргашев дар бозии плей-оффи Чемпионати Осиё бо дастаи мунтахаби Бангладеш дар дақиқаҳои 19 ва 30 ду голро ба ҳадаф расонд ва умед аст, ки силсилаголҳояшро дар дастаи мунтахаб идома медиҳад.
Дастаи мунтахаби Тоҷикистон оид ба футбол дар бозии дӯстона тими миллии Ҳиндустонро мағлуб кард
Варзишгар аз Тоҷикистон Абдулмаҷид Кудиев дар Узбекистон медали тиллоро сазовор шуд
ФУТБОЛ. Дастаи олимпии Тоҷикистон (U-23) бо ҳамсолони худ аз Чин бозиҳои дӯстона баргузор мекунад
Ғолибони Чемпионати Осиё оид ба бокс қадрдонӣ карда шуданд
Ҳайати дастаи мунтахаби Тоҷикистон оид ба футбол барои бозиҳои дӯстона бо тими мунтахаби Ҳиндустон муайян гардид
ФУТБОЛ. Дастаи мунтахаби Тоҷикистон бо тими мунтахаби Ҳиндустон бозиҳои дӯстона анҷом медиҳад
Дар Ёвон гулгашти фарҳангию фароғатӣ бо муҷассамаи «Рамзи футбол» ба истифода дода шуд
Дар деҳаи ба номи Иброҳим Бозорови шаҳри Турсунзода бахшида ба Рӯзи ҷаҳонии футбол майдони варзишии «Ҳумо Арена» ифтитоҳ ёфт
Бахшида ба Рӯзи ҷаҳонии футбол Фестивали бошукуҳи футбол баргузор гардид
Дар Душанбе Варзишгоҳи миллӣ ба истифода дода мешавад
Хислатҳои неки роҳбарии Рустами Эмомалӣ -ҳадафмандӣ, таваҷҷуҳ ба таҷрибаҳои беназир, эҳтиром ба одамон ва муоширати сатҳи баланд
Эмомалӣ Раҳмон: «Футбол имрӯз на танҳо як намуди варзиш, балки омили муҳими таҳкими дӯстӣ, ҳамдигарфаҳмӣ ва ҳамбастагии халқҳо гардидааст»
