Ҷангиён тирборони минтақаи курднишини Ҳалаби Сурияро зиёдтар карданд
Душанбе, 06.06.2016 /АМИТ «Ховар»/. Тирборони минометӣ дар минтақаи курднишини Шайх-Мақсуд дар қисмати шимолии Ҳалаб аз ҷониби ҷангиёни гурӯҳи террористии «Ҷабҳат ун-Нусра» қатъ намешавад,- иттилоъ медиҳад «Интерфакс».
Дар натиҷаи тирпарронии ҷангиёни гурӯҳҳои террористӣ идораи полис ва як қатор биноҳои истиқоматӣ ва маъмурии атрофи он нобуд гардиданд. Даҳҳо сокинони осоишта кушта шуда ва зарар диданд.