Аз сокини ноҳияи Ҳамадонӣ наздики 10 кило маводи ҳашиш мусодира гардид

Душанбе, 2.06.16. /АМИТ «Ховар»/. Дирӯз аз ҷониби кормандони ҳифзи ҳуқуқ наздики 10 кило маводи ҳашиш мусодира гардид
Тавре ки сомонаи расмии ВКД хабар медиҳад, дар натиҷаи гузаронидани чорабиниҳои фаврию ҷустуҷӯӣ кормандони милитсия марди 34-солаи сокини ноҳияи Ҳамадониро ҳамчун гумонбар дар муомилоти ғайриқонунии маводи нашъадор дастгир намуданд. Дар вақти кофтукови шахсӣ аз гумонбаршуда 9 килою 200 грамм маводи нашъадори навъи ҳашиш дарёфт ва мусодира карда шуд.
Нисбат ба далели мазкур парвандаи ҷиноятӣ оғоз гардида, тафтишот идома дорад.