Барасмиятдарории либосҳои кӯдакона аз ҷониби соҳибкори инфиродӣ пас аз боздошт

Июнь 8, 2016 15:06

Душанбе, 8.06.2016 /АМИТ Ховар/. 8 июн дар натиҷаи гузаронидани амалиёти гумрукӣ аз ҷониби кормандони Раёсати мубориза бар зидди ҳуқуқвайронкуниҳои гумрукӣ дар ҳудуди бозори «Корвон»-и шаҳри Душанбе, воситаи нақлиёти тамғаи «Опел», рақами қайди давлатиаш 6859 ЕА 02 муайян ва боздошт карда шуд.
Тавре ки аз Маркази матбуоти Хадамоти гумруки назди Ҳукумати Ҷумҳурии Тоҷикистон хабар доданд, ҳангоми гузаронидани муоинаи гумрукӣ маълум гашт, ки дар дохили мошин ба миқдори 400 кг либосҳои кӯдакона бе ҳуҷҷатҳои гумрукӣ мавҷуданд.
Тавре аз гуфтаҳои ронандаи воситаи нақлиёти мазкур Ҳ.К., соли таваллудаш 1977, истиқоматкунандаи деҳаи Даҳяки шаҳри Истаравшан бармеояд, ӯ ба сифати ронандаи мошини кироя молҳои шаҳрвандонро аз вилояти Суғд ба шаҳри Душанбе меовардааст.
Зимни пурсиши ҳуҷҷатҳо соҳибмулк И. И. натавонист ҳуҷҷатҳои тасдиқкунандаи воридотӣ пешниҳод намояд ва ҳамзамон иброз дошт, ки моли мазкурро ҳангоми машғул шудан ба фаъолияти соҳибкорӣ ба даст овардааст ва ба мақомоти гумрук барои ихтиёран ба расмияти гумрукӣ даровардани молҳои зикргардида бо аризаи расмӣ муроҷиат намудааст.
Дар асоси гуфтаҳои боло ва талаботи моддаи 435-и Кодекси гумруки Ҷумҳурии Тоҷикистон молҳои боздоштшуда аз ҷониби воҳидҳои сохтории дахлдор ба расмияти гумрукӣ дароварда шуданд.

Июнь 8, 2016 15:06

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд