Боздиди дуюми Толиб Рифоӣ аз Тоҷикистон
Душанбе, 9.06.2016 /АМИТ «Ховар»/. Имрӯз дар Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон мулоқоти раиси Кумита Аҳтам Абдуллозода бо Котиби генералии Созмони умумиҷаҳонии туристӣ Толиб Рифоӣ баргузор гардид. Дар мулоқот ҷонибҳо масъалаҳои мавқеи Тоҷикистон дар арсаи байналмилалӣ ва фароҳам овардани шароит барои туристонеро, ки Тоҷикистонро барои худ ҳамчун як кишвари сайёҳӣ интихоб кардаанд, мавриди баррасӣ қарор доданд.
Вобаста ба нуфуз ва мақому мартабаи Ҷумҳурии Тоҷикистон дар сатҳи байналмилалӣ Толиб Рифоӣ изҳор дошт, ки: «Тоҷикистон дар сатҳи байналмилалӣ мақоми 2-юмро дар соҳаи туристӣ ишғол кардааст. Тоҷикистон воқеан кишвари туристӣ маҳсуб мешавад ва биҳишти кашфношуда аст, ки имрӯз ҷиҳати муаррифӣ кардани Тоҷикистон ҳамчун давлати туристӣ ва ҳамчунин барои рушди соҳаи туризми он бояд тамоми саъю кӯшиши худро равона созем. Мехоҳам зикр намоям, мо омода ҳастем дар баробари он, ки Тоҷикистонро дар арсаи ҷаҳонӣ муаррифӣ менамоем, ҳамчунин тамоми имконот ва таҷрибаи андӯхтаро барои баланд бардоштани мақому мартабаи ин кишвар аз лиҳози давлате, ки табиати бойю афсункор дорад, истифода барем ».
Баъд аз суҳбат, ки дигар паҳлуҳои муҳими соҳаи туризми Тоҷикистонро фаро мегирифт, меҳмони олиқадр ба Неругоҳи барқи обии «Норак» сафар намуд. Дар назар аст, ки Толиб Рифоӣ ҳамчунин дар фестивали фарҳангию сайёҳии «Боми ҷаҳон» иштирок намуда, ҳамчунин аз вилояти Суғд, қалъаи Ҳисор, дараи Варзоб ва Боғи Ирам боздид ба амал орад.
Ёдовар мешавем, ки дар семоҳаи якуми соли 2016 73 ҳазору 200 сайёҳ ба кишвар ворид гаштааст, ки нисбат ба ҳамин давраи соли гузашта
9880 нафар зиёд аст.
Зудтару дақиқтар: дар Тоҷикистон сифати хизматрасониҳои мобилиро беҳтар мекунанд
Имрӯз дар шаҳри Душанбе ҳаво то 27 дараҷа гарм мешавад
Имрӯз дар Тоҷикистон ҳаво абрнок шуда, борон меборад
«ТОҶИКИСТОН — ВАТАНИ АЗИЗИ МАН». Моҳи апрел даври якуми озмуни ҷумҳуриявӣ оғоз меёбад
КИШТИ БАҲОРӢ. Маъсар зироати пурқимати равғандеҳ маҳсуб мешавад
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
