Дар чор моҳ зиёда аз 10 килограмм маводи нашъаовар аз ҷониби кормандони Хадамоти гумрук мусодира карда шуд
Душанбе, 01.06.2016 /АМИТ «Ховар»/. Аз тарафи кормандони Раёсати ташкили мубориза бар зидди ҳуқуқвайронкуниҳои гумрукии Хадамоти гумруки назди Ҳукумати Ҷумҳурии Тоҷикистон дар 4 моҳи соли 2016 1 ҳолати гардиши ғайриқонунии маводи мухаддир ошкор гардида, ба миқдори умумии 10 килограмму 226 грамм маводи нашъаовари навъи ҳашиш мусодира карда шудааст.
Аз тарафи кормандони Раёсати ташкили мубориза бар зидди ҳуқуқвайронкуниҳои гумрукӣ дар соли 2015 8 ҳолати гардиши ғайриқонунии маводи мухаддир ошкор карда шуда, зиёда аз 150 килограмм маводи нашъаовар мусодира гардид.
Ҳамзамон 1 ҳолати воридоти ғайриқонунии прекурсорҳои навъи кислотаи сулфат ба миқдори 33 тоннаву 360 килограмм ошкор карда шуд.
Чанде пеш дар бухории Агентии назорати маводи нашъаовари назди Президенти Ҷумҳурии Тоҷикистон низ беш аз 374 килограмм маводи нашъаовар аз рӯи 31 парвандаи ҷиноӣ, ки нисбат ба онҳо ҳукми суд баромадааст, сӯзонида шуданд.
Бояд зикр кард, ки маводи нашъаовари мазкур аз тарафи кормандони Кумитаи давлатии амнияти миллӣ, Хадамоти гумруки назди Ҳукумати Ҷумҳурии Тоҷикистон ва Агентии назорати маводи нашъаовари назди Президенти Ҷумҳурии Тоҷикистон ҳангоми гузаронидани амалиёти фаврию ҷустуҷӯӣ мусодира гардиданд.
Дар ноҳияи Дарвоз истеҳсоли картошка 3 баробар, сабзавот 5 ва мева 9 баробар афзоиш ёфтааст
РАҚАМИКУНОНӢ. Маркази тамос барои хизматрасонӣ ба нафақагирон тавассути рақами кутоҳи 3900 фаъол гардид
ТАҒЙИРЁБИИ ИҚЛИМ. Чӣ гуна худ ва атрофиёнро аз чангу ғубор муҳофизат намоем?
МАСЛИҲАТИ МУТАХАССИС. Барои фоиданокӣ қаламфури булғориро бе коркард, дар шакли тару тоза истифода баред
Дар шаҳри Бӯстон сохтмони корхонаи муосири забҳи парранда идома дорад
Имрӯз дар Тоҷикистон чангу ғубор ба амал меояд
Бо гузашти 28 сол аҳамияти Ваҳдати миллӣ дар рушди иқтисодии Тоҷикистон бештар эҳсос мешавад
Муовини Раиси ноҳияи Данғара Зуҳро Ҳакимзода: «Мардум ба Пешвои миллат боварӣ ва эътимод дорад»
Тоҷикистон дар партави ваҳдати миллӣ ба сӯи шукуфоии нав қадам мегузорад
ВАҲДАТИ МИЛЛӢ — ПОЯИ ҲАСТИИ ДАВЛАТ ВА НЕРУИ СОЗАНДАИ МИЛЛАТ. Мулоҳизаҳои ректори Донишгоҳи давлатии Кӯлоб
Имрӯз дар Тоҷикистон ҳаво то 37 дараҷа гарм мешавад
