Дар Ереван ҷаласаи Кумитаи котибони шӯроҳои амнияти СААД доир мешавад
Душанбе, 6.06.2016 /АМИТ «Ховар»/. Котиби Шӯрои амнияти Тоҷикистон Абдураҳим Қаҳҳоров ҷиҳати иштирок дар ҷаласаи Кумитаи котибони шӯроҳои амнияти кишварҳои аъзои Созмони Аҳдномаи амнияти дастаҷамъӣ (ККША СААД), ки 8 июн таҳти роҳбарии ҷониби Арманистон доир мешавад, ба пойтахти Арманистон-шаҳри Ереван сафар кард. Дар ин бора ба АМИТ «Ховар» аз Шӯрои амнияти Тоҷикистон хабар доданд.
Маврид ба зикр аст, ки қарор дар бораи баргузории ҷаласаи навбатии Кумитаи котибони шӯроҳои амнияти кишварҳои аъзои СААД моҳи сентябри соли гузашта дар ҷаласаи якҷояи мақомоти оинномавии СААД дар Душанбе қабул шуда буд.
Тавре ки «Арменпресс» иттилоъ медиҳад, дар ҷаласаи навбатӣ дар Ереван котиби Созмон Николай Бордюжа бо маърӯза дар бораи чораҳои иловагӣ доир ба рушди низоми амнияти дастаҷамъонаи давлатҳои аъзои СААД дар мубориза бо терроризм баромад мекунад.
Ҳамчунин Қарори ККША СААД дар бораи як қатор созмонҳо, ки дар кишварҳои аъзои СААД террористӣ ва ифротгаро эътироф шудаанд, баррасӣ мешавад.
Иштирокдорони ҷаласа ҷараёни мувофиқасозии Стратегияи амнияти дастаҷамъона барои то соли 2025 ва фаъолияти ҷаласаи ҳамоҳангсози сарони наркологҳои давлатҳои аъзои СААД-ро низ муҳокима менамоянд.
Дар ККША инчунин Нақшаи машваратии намояндагони кишварҳои аъзои СААД доир ба масъалаҳои сиёсати хориҷӣ, амният ва мудофиа дар нимсолаи дуюми соли 2016 муҳокима карда мешавад.
Ёдовар мешавем, ки соли 2016 Арманистон дар СААД раисикунанда аст.
Котиби Шурои амният Юсуф Раҳмон бо Вазири давлатии Вазорати мудофиаи Подшоҳии Муттаҳидаи Британияи Кабир ва Ирландияи Шимолӣ Вернон Коаке мулоқот намуд
Ҷаласаи Комиссияи даъвати ҷумҳуриявӣ оид ба омодагӣ ба даъвати тирамоҳии соли 2026 ба хизмати ҳарбӣ доир шуд
Кумитаи ҳолатҳои фавқулода ва мудофиаи гражданӣ: «Барои пешгирии оқибатҳои сел селроҳаҳо ва роҳҳои обгузарро пешакӣ тоза намоед»
ТОҶИКИСТОНИ СОҲИБИСТИҚЛОЛ — ПАЙВАНДГАРИ ТАМАДДУНИ ОРИЁӢ. Андешаҳо оид ба Анҷумани тоҷикон ва форсизабонони ҷаҳон – «Пайванд»
Низомиёни Тоҷикистон дар Форуми байналмилалии 13-уми Сяншани Пекин иштирок намуданд
Дар Тоҷикистон бо мақсади пешгирии ҳодисаҳои роҳу нақлиёт амалиёти «Автобус» оғоз гардид
Ҳабибулло Воҳидзода бо прокурорҳои генералии Қазоқистон ва Туркманистон мулоқот намуд
Намояндагони Тоҷикистон дар вохӯрии роҳбарони бюроҳои миллии марказии «Интерпол»-и давлатҳои ИДМ иштирок намуданд
Тоҷикистон ва Ҳиндустон ҳамкориро дар самти пешгирӣ ва рафъи ҳолатҳои фавқулода тақвият медиҳанд
Прокурорҳои генералии Тоҷикистон ва Эрон тақвияти ҳамкории ҳуқуқиро баррасӣ намуданд
Ҳабибулло Воҳидзода дар ҷаласаи ҳафтуми прокурорҳои генералии кишварҳои аъзои Созмони ҳамкории иқтисодӣ иштирок намуд
Дар Душанбе бо ҳамватанони бурунмарзӣ вохӯрӣ доир шуд
