Дар Фархор иҷрои нақшаи кишти такрорӣ аз нисф гузашт

Душанбе, 16.06.2016 /АМИТ«Ховар»/. Зироаткорони фархорӣ ният доранд, ки дар майдони 6189 гектар кишти такрорӣ гузаронанд. Аз ин ҳисоб то имрӯз дар 3122 гектари он пахта, ҷуворимакка, лӯбиё ва полезиҳо кишт намудаанд, ки ин рақам баробари 50,4 фоизи нақшаи дурнамост.
Ҷараёни  кишти такрорӣ дар  ҷамоатҳои деҳоти Фархор, «Ватан», «Дарқад», «Деҳқонариқ» ва «Гулшан» хуб ба роҳ монда шудааст.
Ёдовар мешавем, ки деҳқонони ноҳияи Фархор солҳои охир миёни ноҳияҳои минтақаи Кӯлоб ягона ноҳияе маҳсуб мешавад, ки нақшаи кишти такрории худро пайваста афзун менамояд.