Дар Хуҷанд боз 16 нафар бо ҷойи кор таъмин гаштанд

Душанбе, 2.06.16. /АМИТ «Ховар»/. Дар шаҳри Хуҷанд ба истиқболи 25-солагии Истиқлолияти давлатии Ҷумҳурии Тоҷикистон маркази савдои «Хуршед плюс» ба истифода дода шуд.
Ин маркази савдо давоми як сол ба маблағи бештар аз якуним миллион сомонӣ бунёд гардида, корҳои сохтмониро ширкати сохтмонии «Фламинго» ба анҷом расонидааст.
Бинои   маркази савдои навбунёд аз 5 ошёна иборат буда, даҳ ҳуҷраи истиқоматиро дар бар мегирад. Дар баробари ин 16 нафар сокинони маҳаллӣ дар ин марказ  бо ҷойи кор таъмин гаштанд.
Дар ин бора аз Хадамоти матбуоти раиси вилояти Суғд ба АМИТ «Ховар» хабар доданд.