Дастаи мунтахаби Фаронса ба даври плей-офф баромад
Душанбе, 17.06.2016 /АМИТ «Ховар»/. Дастаи футболи мунтахаби миллии Фаронса бо ҳисоби 2:0 бар тими мунтахаби Албания пирӯз шуду аввалин шуда, ба даври плей-офф баромад. Дидори ин тимҳои миллӣ дар доираи бозиҳои даври дуюми гурӯҳи А дар Чемпионати Аврупо сурат гирифт. Фаронсавиҳо дар ин дидор бозии хеле мушкил анҷом доданд. То охири бозӣ ҳеҷ натавонистанд хати дифои албаниҳоро рахна созанду ҳисобро кушоянд. Ниҳоят дар дақиқаи 90-уми дидор ҳамлагари бошгоҳи «Атлетико Мадрид» ва мунтахаби Фаронса Антуан Гризманн тавонист бо зарбаи аниқу дақиқи худ тӯбро таслими дарвозаи албаниҳо созаду ҳисобро кушояд.Ҳама гумон мекарданд, ки голи задаи Антуан Гризманн ягона голи ин дидор хоҳад буд, вале ин тахминҳоро Дмитри Пайе барҳам зад. Дар дақиқаҳои иловагӣ ин муҳофизатгари бошгоҳи «Вест Хэм Юнайтед» голи дуюми мунтахаби Фаронсаро вориди дарвозаи Албания намуд. Ин ғолибият ба дастпарварони Дидйе Дешама имкон фароҳам овард, то бо 6 имтиёз ба даври бозиҳои плей-офф бароянд.
Тими мунтахаби Албания ягон имтиёз ба даст наовардааст. Ду тими дигари гурӯҳи «А» дастаи мунтахаби Шветсия дар хазинаи худ дар Евро-2016 айни ҳол 4 имтиёз дораду тими мунтахаби Руминия 1 имтиёз.
Фаронсавиҳои соҳиби майдон дидори ояндаи худро бо тими мунтахаби миллии Швейтсария 19-уми июн анҷом хоҳанд дод. Худи ҳамон рӯз тими мунтахаби миллии Албания бо мунтахаби Руминия сабқат мекунад.
«Регар-ТадАЗ» ба марҳилаи гурӯҳии Лигаи даъвати КФО-2026/27 роҳ ёфт
ҶОМИ ТОҶИКИСТОН-2026. Дастаҳои «Равшан» – «Хуҷанд» ва «Эсхата» – «Сардор» ба даври нимниҳоии мусобиқа роҳ ёфтанд
Дар Чемпионати ҷаҳон оид ба гӯштини миллӣ (гӯштингирӣ) варзишгарони зиёда аз 70 давлати ҷаҳон иштирок менамоянд
ВАРЗИШ — ПАЙКИ СУЛҲ, ДӮСТӢ ВА СОЗАНДАГӢ. Ҳамоиши фарҳангию фароғатӣ ва варзишию солимгардонӣ доир шуд
НИШАСТИ МАТБУОТӢ. Дар ноҳияи Шаҳритус аз рӯи 13 намуди варзиш машғулият гузаронида мешавад
10 АВГУСТ — РӮЗИ ВАРЗИШГАРОНИ ТОҶИКИСТОН. Теъдоди иншооти соҳаи варзиш беш аз 9 маротиба афзоиш ёфтааст
Дастаи мунтахаби Тоҷикистон дар Чемпионати расмии ҷаҳон оид ба ҷиу-ҷитсу соҳиби 9 медал гардид
Бахшида ба Рӯзи варзишгарони Тоҷикистон дар ноҳияи Фирдавсии пойтахт ҳамоиши тантанавӣ доир шуд
ФУТБОЛ. Доварони Тоҷикистон дар семинари доварони элитаи КФО дар Тошканд иштирок намуданд
Намояндагони Федератсияи футболи Тоҷикистон дар семинар барои комиссарони нави бозиҳои CAFA иштирок карданд
ФУТБОЛ. Пагоҳ бозиҳои даври 13-уми Чемпионати Тоҷикистон байни дастаҳои Лигаи олӣ оғоз мегардад
Варзишгари ҷавони тоҷик дар Чемпионати ҷаҳон оид ба гӯштини юнону румӣ соҳиби медали нуқра гардид
