Дастаи мунтахаби Олмон бозиҳои «Евро-2016»-ро бо ғалаба оғоз кард

Душанбе, 13.06.2016 /АМИТ «Ховар»/. Дар аввалин бозии гурӯҳи «С» чемпионҳои феълии ҷаҳон- футболбозони дастаи мунтахаби Олмон бо тими мунтахаби Украина вохӯрда, бо натиҷаи 2:0 ғалаба карданд. Футболбозони украинӣ ҳангомаеро, ки мухлисону коршиносони футбол аз онҳо интизор буданд, ба амал оварда натавонистанд. «Машина»-и олмониҳо (бозии дастаи мунтахаби Олмонро чунин тавсиф мекунанд)  тавре ҳаракат кард, ки дар ҷараёни он Шкодран Мустафи(19) ва Бастиан Швайнштайгер(90+2) ба задани гол мушарраф шуданд ва футболбозони Украинаро маҷбур карданд, ки ба бохт тан диҳанд.
Дар ин гурӯҳ дастаи мунтахаби Лаҳистон бар Ирландияи Шимолӣ бо ҳисоби 1:0 пирӯз шуд.
Дастаи мунтахаби Туркия ҳам дар бозии нахустинаш дар гурӯҳи «Д» аз тими мунтахаби Хорватия бо ҳисоби 0:1 шикаст хӯрд.
Имрӯз дар гурӯҳи «Д» дастаи мунтахаби Испания бо Чехия, дар гурӯҳи «Е» Ирландия бо Шведсия ва Белгия бо Италия вориди майдон мешаванд.