Душанбе ва Тел-Авив ҳамкориро тақвият мебахшанд
Душанбе, 02.06.2016/АМИТ «Ховар»/. «Мо омодаи идома ва густариши ҳамкории мутақобилан судманд бо Исроил ҳастем»,- гуфт дар мулоқоташ Шукурҷон Зуҳуров, Раиси Маҷлиси намояндагон бо Шаррен Ҳаскел, Раиси гурӯҳи дӯстии парлумонии Исроилу Тоҷикистон, ки бо як ҳайати Кнессетаи ин кишвар дар Тоҷикистон қарор дорад.
Зикр шуд, ки Тоҷикистон ба густариши муносиботи дуҷониба бо Исроил дар заминаҳои гуногун манфиатдор аст.
Ш. Зуҳуров афзуд, ки муносиботи дипломатӣ байни Тоҷикистон ва Исроил ҳанӯз 24 сол муқаддам барқарор гардид, вале то кунун пояи шартномавӣ ва ҳуқуқӣ вуҷуд надорад. Танҳо Ёддошти тафоҳум оид ба баргузор намудани машваратҳои дуҷониба байни вазорати корҳои хориҷии Тоҷикистону Исроил дар натиҷаи нишасти якуми ҷонибҳо 27 феврали 2013 дар Душанбе ба имзо расид.
Ш. Зуҳуров таъкид кард, ки барои рушди минбаъдаи муносибатҳои Тоҷикистону Исроил омода ва ба тасвиб расонидани санадҳои ҳуқуқӣ аз ҷумла, Созишнома дар бораи ташвиқ ва ҳимояи мутақобили сармоягузорӣ, Созишнома дар бораи канораҷӯӣ аз андозбандии ду карата ва саркашӣ аз пардохти андоз аз даромад, Созишнома дар соҳаи ҳамкории иқтисодӣ ва тиҷоратӣ ва Созишнома оид ба ҳамкорӣ дар соҳаи фарҳанг, маориф ва илм зарурат дорад. Ба имзо расонидани ин санадҳо барои таъсиси комиссияи муштараки байниҳукуматӣ оид ба ҳамкорӣ байни ду кишвар ва дар доираи фаъолияти он омода намудани созишномаҳои соҳавӣ замина фароҳам меорад.
Ҳамзамон мусоҳибон дар радифи тавсеаи ҳамкории байнипарлумонӣ, инчунин масъалаҳои марбут ба тақвияти ҳамкории судманд дар бахшҳои иқтисоду тиҷорат, энергетика, кишоварзӣ, тандурустӣ, технологияҳои иттилоотӣ, туризм, обёрӣ, илму фарҳанг, ба роҳ мондани бозомӯзӣ ва табодули таҷрибаи мутахассисони тоҷик дар доираи Барномаи МАШАВ-ро /Агентии рушди ҳамкории байналмилалӣ/ баррасӣ намуданд.
Дар мулоқот инчунин авзои ҷаҳон ва минтақа, хусусан Афғонистон, ба роҳ мондани мубориза бар зидди зуҳуроти номатлуб ва дигар таҳдидҳои замони муосир матраҳ гардиданд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






