Файзобод: Чаро пули одамгузари ҷамоати деҳоти ба номи Д. Алиев пас аз сар задани офати табиӣ дубора барқарор нагардид?
Файзобод, 9.06.2016 /АМИТ «Ховар»/. Шаби 12 майи соли равон дар натиҷаи бориши зиёди борон ва омадани сел дар дарёчаҳои ҳудуди ҷамоати деҳоти ноҳияи Файзобод ва дарёи Элок ба хоҷагии мардуми ноҳия зарари зиёди молӣ расид. Ҳамчунин дарёчаи Оби лояк як пули одамгузари назди муассисаи таҳсилоти умумии №20- и ҷамоати деҳоти ба номи Дӯстмурод Алиевро хароб кард, ки қариб як моҳ мешавад масъулини ҷамоати деҳоти ба номи Д. Алиев дар ин маврид беаҳамиятӣ зоҳир намуда, ин пули одамгузарро, ки барои он маблағи зиёде ҳам сарф намешавад, барқарор намекунанд.
Пули мазкур деҳаи Сари чашма ва варзишгоҳи хонандагонро бо муассисаи таҳсилоти умумии №20 ва деҳаи Ҷонварсӯз пайваст мекунад. Аз сабаби сари вақт барқарор накардани пул то ин муддат зиёда аз 500 нафар хонандагони аз синфи 1 то 11 бо пиёдароҳи аз санг тайёр кардашуда ба дарсу имтиҳонсупорӣ мераванд.
Ба андешаи баъзе падару модарон, роҳбарияти ҷамоати деҳоти ба номи Д. Алиев, ки вазифадоранд ин мушкилии хонандагонро хал намоянд, бо сабаби ҷамъбаст гардидани соли хониш ва аз назари роҳбарияти ноҳия дур ҷойгир будани пули мазкур беаҳамиятӣ зоҳир менамоянд.
Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҳамеша нисбат ба наврасону ҷавонон ғамхорӣ зоҳир намуда, барои хониши хуби онҳо шароит фароҳам меорад ва барои дастгирӣ намудани хонандагону муҳайё намудани шароити хуб барои онҳо ба роҳбарони вазорату идораҳо ва шаҳру ноҳияҳо дастуру супоришҳо медиҳад.
Саволе ба миён меояд, ки чаро супориши Президенти Ҷумҳурии Тоҷикистон муҳтарам Эмомалӣ Раҳмон дар ин самт иҷро нашуд? Чаро роҳбарони ҷамоати деҳоти ба номи Д. Алиеви ноҳияи Файзобод нисбат ба тақдири наврасону ҷавонон беаҳамиятӣ зоҳир мекунанд?
Аз ин хотир умед дорем, ки дар кӯтоҳтарин муддат бо ташаббуси раиси ноҳияи Файзобод Раҷабзода Миралӣ ин мушкилии хонандагон бартараф мешавад ва барои хонандагони муассисаи мазкур на танҳо пули одамгузар, балки пули мошингузари замонавӣ ҳадя мешавад.
Дар мақомоти Ваколатдор бахшида ба 32-солагии таъсиси Қувваҳои Мусаллаҳ ҳамоиши идона доир гардид
БӮЙИ БАҲОР МЕРАСАД. Тоҷикистониёнро дар ин фасл чӣ гуна ҳаво интизор аст?
Имрӯз дар шаҳри Душанбе ҳаво то 17 дараҷа гарм мешавад
Дар қисми низомӣ дар вилояти Суғд Рӯзи дарҳои кушод доир гардид
Маркази ҷумҳуриявии илмии саратоншиносӣ бо дастгоҳи муосири ташхиси рентгении рақамӣ (Digital x-ray) таъмин гардид
Таҳаввулоти рақамӣ: чӣ тавр технологияҳои рақамӣ ҳаётро тағйир медиҳанд
Имрӯз дар Тоҷикистон ҳавои тағйирёбандаи бебориш пешгӯӣ мешавад
«БА ДАВЛАТУ МИЛЛАТАМ СОДИҚОНА ХИЗМАТ МЕКУНАМ!». Дар Душанбе Фестивали дӯстии афсарону сарбозон ва ҷавонони синни даъватӣ баргузор мегардад
«КАДБОНУИ БЕҲТАРИН». Дар ноҳияи Бобоҷон Ғафуров даври ноҳиявии ин озмун баргузор гардид
Имрӯз дар баъзе аз ноҳияҳои кӯҳии Тоҷикистон бориши барфу борон дар назар аст
Имрӯз дар баъзе ноҳияҳои Тоҷикистон туман мефарояд
Дар ноҳияи Муъминобод 168 километр роҳи мошингард таъмир гардид
