Файзобод: Имсол 485 нафар кӯдакону наврасон дар лагерҳо истироҳат мекунанд

Душанбе, 15.06.2016 /АМИТ «Ховар»/. Имсол дар истироҳатгоҳи беруназноҳиявии «Дурахшон»-и ноҳияи Файзобод дар ду баст 260 нафар ва дар 9 майдончаи тандурустию солимгардонии назди муассисаҳои таълимии ноҳия 225 нафар кӯдакон ва наврасон ба истироҳат фаро гирифта мешаванд. Бо мадади падару модарон, сарварони муассисаҳои таълимӣ ва сарпарастон барои ҳар як истироҳаткунанда дар як рӯз аз 5 то 7 сомонӣ маблағ ҷудо карда мешавад.
Фаъолияти истироҳатгоҳҳои солимгардонӣ ва фароғатӣ дар асоси хулосаи мақомоти назорати давлатии санитарию эпидемиологӣ иҷозат дода шудааст.