Фаъолияти анҷомдодаи намояндагии КБСС дар Тоҷикистон
Душанбе, 11.06.2016/АМИТ «Ховар»/. «Кумитаи байналмилалии Салиби Сурх /КБСС/ созмони беғараз, бетараф ва мустақил аст, ки фаъолиятҳои башардӯстонаи он ҳимоят аз ҳаёту каромати қурбониёни даргириҳои мусаллаҳона, шароити хушунатомез ва имдодрасонӣ ба онҳост»,- гуфт зимни баргузории маъракаи «Рӯзи дарҳои кушода» роҳбари намояндагии КБСС дар Тоҷикистон Андре Пакэ, ки бо иштироки шарикони ҳамкори КБСС аз кумитаю идораҳои марбутаи кишвар дар Душанбе доир гардид.
Роҳбари намояндагии КБСС доир ба фаъолияти намояндагии ин ниҳод дар Тоҷикистон гузориш дода, зикр кард, ки алҳол КБСС барномаҳои худро дар асоси салоҳият ва авлавиятҳои аслии башардӯстона дар ҳамкорӣ бо Ҷамъияти Ҳилоли Аҳмари Тоҷикистон ва дар ҳамоҳангӣ бо Ҳукумати Ҷумҳурии Тоҷикистон ба роҳ монда, амалӣ мегардонад.
Ҳалли мушкилоти башардӯстона, кумакрасонӣ ба хонаводаҳои қурбониёни мина ва фавтидагон дар шароити хушунатомез, мусоидат ба сохторҳои тиббӣ, кумак ба шахсони имконияташон маҳдуд дар самти мутобиқат ба зиндагӣ, барқарории робита байни маҳбусон ва хонаводаҳояшон, паҳн намудани ҳуқуқи байналмилалии башардӯстона ва дигар меъёрҳои башардӯстона аз барномаҳои анҷомдодаи намояндагии КБСС дар кишварамон мебошанд. Зикр гардид, ки аз оғози барномаи кумакрасонӣ ба хонаводаҳои қурбониёни мина ва фавтидагон дар шароити хушунатомез беш аз 600 тарҳ дар бахшҳои кишоварзӣ, чорводорӣ, ҳунармандӣ ва тиҷорат бомуваффақият амал менамоянд. Инчунин 50 хонаводаи осебпазир аз кумакҳои ин ниҳод барои таъмири манзил, ироаи маҳсулоти ғизоӣ ва кумаки тиббӣ бархурдор гардиданд.
Инчунин намояндагии КБСС дар доираи барномаи ҳамкорӣ бо Ҷамъияти Ҳилоли Аҳмари Тоҷикистон /ҶҲАТ/ беш аз 28 бахши ноҳиявии ҶҲАТ-ро омӯзиш дода, бо таҷҳизот таъмин намуд.
Дар доираи баргузории чорабинии «Рӯзи дарҳои боз» иштирокдорони чорабинӣ бо фаъолияти намояндагии КБСС дар Душанбе шинос гардиданд.
Бояд зикр кард, ки намояндагии КБСС аз соли 1992 инҷониб дар Тоҷикистон фаъолият менамояд. КБСС соли 1863 таъсис дода шуда, рисолаташ ироаи кумакҳои башардӯстона ба мардуми кишварҳои гуногуни ҷаҳон аст.
«ПАЁМ — РОҲНАМО БАРОИ ИҶРОИ ҲАДАФҲОИ ШОИСТА». Таҳти ин унвон ҳамоиши илмӣ-назариявӣ баргузор шуд
Дар мақомоти Ваколатдор бахшида ба 32-солагии таъсиси Қувваҳои Мусаллаҳ ҳамоиши идона доир гардид
БӮЙИ БАҲОР МЕРАСАД. Тоҷикистониёнро дар ин фасл чӣ гуна ҳаво интизор аст?
Имрӯз дар шаҳри Душанбе ҳаво то 17 дараҷа гарм мешавад
Дар қисми низомӣ дар вилояти Суғд Рӯзи дарҳои кушод доир гардид
Маркази ҷумҳуриявии илмии саратоншиносӣ бо дастгоҳи муосири ташхиси рентгении рақамӣ (Digital x-ray) таъмин гардид
Таҳаввулоти рақамӣ: чӣ тавр технологияҳои рақамӣ ҳаётро тағйир медиҳанд
Имрӯз дар Тоҷикистон ҳавои тағйирёбандаи бебориш пешгӯӣ мешавад
«БА ДАВЛАТУ МИЛЛАТАМ СОДИҚОНА ХИЗМАТ МЕКУНАМ!». Дар Душанбе Фестивали дӯстии афсарону сарбозон ва ҷавонони синни даъватӣ баргузор мегардад
«КАДБОНУИ БЕҲТАРИН». Дар ноҳияи Бобоҷон Ғафуров даври ноҳиявии ин озмун баргузор гардид
Имрӯз дар баъзе аз ноҳияҳои кӯҳии Тоҷикистон бориши барфу борон дар назар аст
Имрӯз дар баъзе ноҳияҳои Тоҷикистон туман мефарояд
