Фёдор Емеляненко бо Фабио Малдонадо майдондорӣ мекунад
Душанбе, 17.06.2016 /АМИТ «Ховар»/. Имрӯз яке аз варзишгарони маъруфу шинохтаи риштаи муҳорибаҳои омехта- Фёдор Емеляненко баъд аз дубора баргаштанаш ба ринг, аввалин вохӯрии худро дар Русия баргузор мекунад ва ҷараёни рақобати ӯро дар беш аз 26 давлати дунё мустақиман намоиш медиҳанд. Ҳарифи Фёдор варзишгари бразилиягӣ Фабио Малдонадо буда, рақобат дар шаҳри Санкт-Петербург доир хоҳад шуд. Фабио Малдонадо қаблан бо ширкати бонуфузтарини ҷаҳон UFC шартнома дошт ва охирин рақобати ӯ 7-уми ноябри соли 2015 бо намояндаи Амрико Кори Андерсон сурат гирифт, ки Фабиоро мағлуб карда буд.
Баъд аз якчанд мағлубият аз ҳарифонаш ширкати UFC ҳамкориашро бо ин варзишгари бразилиягӣ қатъ намуд. Малдонадо муштзани касбӣ низ буд. Ӯ дар бокси ҳирфавӣ 22 вохӯрӣ анҷом дода, боре ҳам ба шикаст дучор нагардидааст.
Фёдор Емеляненко тобистони гузашта аз дубора ба варзиши касбӣ баргаштанаш расман иттилоъ дода буд ва рӯзи 31 декабри соли 2015 дар Ҷопон варзишгари ҳинду Ҷейдип Сингхро пеш аз вақт шикаст дод. Фёдор Емеляненко қаҳрамони чаҳоркаратаи ҷаҳон дар риштаи муҳорибаҳои омехта буда, дар маҷмӯъ 39 вохӯрӣ анҷом дода, аз он дар 35- тоаш дастболо гардидааст.
«Регар-ТадАЗ» ба марҳилаи гурӯҳии Лигаи даъвати КФО-2026/27 роҳ ёфт
ҶОМИ ТОҶИКИСТОН-2026. Дастаҳои «Равшан» – «Хуҷанд» ва «Эсхата» – «Сардор» ба даври нимниҳоии мусобиқа роҳ ёфтанд
Дар Чемпионати ҷаҳон оид ба гӯштини миллӣ (гӯштингирӣ) варзишгарони зиёда аз 70 давлати ҷаҳон иштирок менамоянд
ВАРЗИШ — ПАЙКИ СУЛҲ, ДӮСТӢ ВА СОЗАНДАГӢ. Ҳамоиши фарҳангию фароғатӣ ва варзишию солимгардонӣ доир шуд
НИШАСТИ МАТБУОТӢ. Дар ноҳияи Шаҳритус аз рӯи 13 намуди варзиш машғулият гузаронида мешавад
10 АВГУСТ — РӮЗИ ВАРЗИШГАРОНИ ТОҶИКИСТОН. Теъдоди иншооти соҳаи варзиш беш аз 9 маротиба афзоиш ёфтааст
Дастаи мунтахаби Тоҷикистон дар Чемпионати расмии ҷаҳон оид ба ҷиу-ҷитсу соҳиби 9 медал гардид
Бахшида ба Рӯзи варзишгарони Тоҷикистон дар ноҳияи Фирдавсии пойтахт ҳамоиши тантанавӣ доир шуд
ФУТБОЛ. Доварони Тоҷикистон дар семинари доварони элитаи КФО дар Тошканд иштирок намуданд
Намояндагони Федератсияи футболи Тоҷикистон дар семинар барои комиссарони нави бозиҳои CAFA иштирок карданд
ФУТБОЛ. Пагоҳ бозиҳои даври 13-уми Чемпионати Тоҷикистон байни дастаҳои Лигаи олӣ оғоз мегардад
Варзишгари ҷавони тоҷик дар Чемпионати ҷаҳон оид ба гӯштини юнону румӣ соҳиби медали нуқра гардид
