Гулистон: Бархурдории 600 сокини шаҳр аз хони рамазонӣ

Гулистон, 24.06.2016. /АМИТ «Ховар»/. Дар арафаи Иди Ваҳдати миллӣ ва моҳи хайру сахо- моҳи шарифи Рамазон 600 нафар сокинони шаҳри соҳили «Баҳри тоҷик» — Гулистон аз кумаки идонаи мақомоти шаҳрӣ бархурдор гаштанд. Тавре ки масъули хадамоти матбуотии дастгоҳи макомоти шаҳри Гулистон Рустами Одизода ба хабарнигори АМИТ «Ховар» иттилоъ дод, тибқи дастуру супориши Сарвари давлат ва раиси вилояти Суғд дар рӯзҳои таҷлили ҷашни 19-солагии Ваҳдати миллӣ ятимону бепарасторон, маъюбон, пирону барҷомондагон ва камбизоатон аёдат карда шуда, ба онҳо кумаки моддӣ, иборат аз маводи хӯрокӣ  дастрас гардида истодааст.
Инчунин дар рӯзҳои таҷлили ҷашн раиси шаҳр низ чанд нафар оилаҳои собиқадорони меҳнат ва ҳамчунин ниёзмандро аёдат карда, ба онҳо хони идона тақдим мекунад.
Ҳамзамон расонидани кумаки идона аз ҷониби ташкилотҳову соҳибкорон низ дар назар аст.