Иҷрои Буҷети давлатӣ дар самти татбиқи барномаи давлати рушди таҳсилоти касбӣ
Душанбе, 14.06.2016/АМИТ «Ховар»/. Ҷараёни иҷрои Буҷети давлатии Ҷумҳурии Тоҷикистон вобаста ба татбиқи «Барномаи давлатии рушди таҳсилоти касбӣ дар Ҷумҳурии Тоҷикистон барои солҳои 2008-2015» зимни баргузории муҳокимаи парлумонӣ, ки дар ҳузури муовини раиси Маҷлиси намояндагон Хайриниссо Мавлонова доир гардид, баррасӣ шуд.
Бояд тазаккур дод, ки ин барнома дар асоси нақшаи чорабиниҳо оид ба супоришу дастурҳои Президенти кишвар Эмомалӣ Раҳмон ва Паёми Сарвари давлат ба Маҷлиси Олӣ аз 30 апрели соли 2007 таҳия гардидааст.
Зикр гардид, ки ҷараёни иҷрои Буҷети давлатӣ вобаста ба татбиқи Барнома дар низоми таҳсилоти ибтидоӣ ва миёнаи касбӣ дар якчанд муассисаҳои таълимии пойтахт, ба мисли Коллеҷҳои информатика ва техникаи компютерӣ, муҳандисию омӯзгорӣ ва литсейҳои касбии алоқаи шаҳри Душанбе ва касбии техникии нақлиёти роҳи оҳани шаҳри Душанбе мавриди омӯзиш қарор дода шуд.
Таҳлил нишон дод, ки дар ин муассисаҳои таълимӣ санадҳои меъёрии ҳуқуқӣ дар шакли Нақшаи таълимӣ аз рӯи тамоми фанҳо, ки аз ҷониби Вазорати маориф ва илм тасдиқ шудааст ва нақшаҳои таълимии омӯзгорон роҳандозӣ гардидаанд. Дар доираи Барнома коллеҷҳо ба низоми кредитии таҳсил гузашта истодаанд, литсейҳо тибқи низоми анъанавии таҳсил фаъолият доранд.
Дар соли қабулгардии барнома (соли 2007) низоми таҳсилоти ибтидоӣ ва миёнаи касбӣ дар ҷумҳурӣ 119 адад муассисаҳои таълимиро фаро гирифта, теъдоди умумии хонандагон ва донишҷӯён дар онҳо беш аз 55 ҳазор нафарро ташкил мекард.
Доир ба ҷараёни иҷрои Буҷети давлатии Ҷумҳурии Тоҷикистон вобаста ба татбиқи «Барномаи давлатии рушди таҳсилоти касбӣ дар Ҷумҳурии Тоҷикистон барои солҳои 2008-2015» роҳбарону масъулини вазорату идоораҳои мамлакат гузориш доданд.
Дар анҷоми муҳокимаи парлумонӣ аз масъулони Вазорати маориф ва илми ҷумҳурӣ ва ниҳодҳои марбутаи он дархост гардид, ки дар доираи супоришу дастурҳои Президенти кишвар Эмомалӣ Раҳмон вобаста ба иҷрои Буҷети давлатӣ вобаста ба татбиқи ин Барномаи давлатӣ тадбирҳои мушаххас андешида шаванд.
МАСЛИҲАТИ МУТАХАССИС. Боғпарварон бояд аз рӯзҳои сард ва бориши барф самаранок истифода намоянд
Имрӯз дар Тоҷикистон туман мефарояд
Бахшида ба Рӯзи кормандони мақомоти гумрук дар Донишгоҳи давлатии молия ва иқтисоди Тоҷикистон ҳамоиш доир шуд
Дар ноҳияи Бобоҷон Ғафуров оид ба чораҳои бехатарии радиатсионӣ машварат баргузор шуд
Алоқаи боэътимод барои бонки рақамӣ
Имрӯз дар Тоҷикистон барф меборад
ЗАХИРАҲОИ ГИДРОЭНЕРГЕТИКӢ. Дар ҳошияи Паёми Президенти Тоҷикистон ба Маҷлиси Олӣ
Соли 2025 дар ноҳияи Фирдавсӣ 25 ташкилоти Ҳизби Халқии Демократии Тоҷикистон таъсис дода шуд
Имрӯз дар ноҳияҳои кӯҳии Тоҷикистон барф меборад
«МАКТАБИ МОДАРОН». Дар Ёвон духтарон таҷриба омӯхта, ба ҳаёти мустақилона омода мешаванд
22 январ дар Тоҷикистон ҳарорати ҳаво паст шуда, бориши барф пешгӯӣ мешавад
ИСТИҚЛОЛИ ДАВЛАТӢ, СУБОТИ СИЁСӢ ВА АМНИЯТИ МИЛЛИИ ТОҶИКИСТОНРО ҲИФЗ БОЯД КАРД. Дар ҳошияи Паёми Президенти Тоҷикистон ба Маҷлиси Олӣ
