Коршиносони минтақавӣ масъалаи вобаста ба муомилоти ғайриқонунии маводи нашъаоварро муҳокима карданд
Душанбе, 01.06.16. /АМИТ «Ховар»/. 1 июн дар Маркази таълимии Агентии назорати маводи нашъаовари назди Президенти ҶТ вохӯрии коршиносон-таҳлилгарони идораҳои аъзои лоиҳаи минтақавии XAC/K22 «Муқобилат ба интиқоли маводи нашъаовар аз Афғонистон тавассути хатсайри шимолӣ аз тариқи тақвият бахшидани иқтидори нуқтаҳои асосии назоратӣ-гузаргоҳӣ ва созмон додани Офиси ҳамкории сарҳадӣ (ОҲС)» — Тоҷикистон, Қазоқистон, Қирғизистон ва Узбекистон ба кори худ оғоз намуд.
Тавре ки ба АМИТ «Ховар» аз маркази матбуоти АНМН хабар доданд, иштирокдорон масъалаҳои вобаста ба истифодаи таъминоти барномавии IBM i2 баҳри ҷамъоварӣ намудани мавод барои Офиси ҳамкории сарҳадӣ дар Тоҷикистон, шабакаи ягонаи иттилоотии Хадамоти гумруки назди Ҳукумати ҶТ, ташкили ҳамкорӣ байни мақомоти ҳифзи ҳуқуқи Ҷумҳурии Қирғизистонро мавриди муҳокима қарор хоҳанд дод. Дар вохӯрӣ мавқеи ҳисоботдиҳӣ барои Офиси ҳамкории сарҳадӣ дар Тоҷикистон ҷамъбаст карда шуда, тавсияҳо оид ба беҳтар гардонидани фаъолияти таҳлилии офиси мазкур коркард мегарданд.
Ба ҳайати офисҳои ҳамкории сарҳадӣ як нафарӣ намояндагони АНМН, ВКД, қӯшунҳои сарҳадии КДАМ ҶТ ва Хадамоти гумруки назди Ҳукумати ҶТ дохил мешаванд, ки вазифаҳои асосии онҳо ошкор ва пешгирӣ намудани ҷиноятҳои вобаста ба муомилоти ғайриқонунии маводи нашъаовар бо роҳи мубодилаи иттилоот ва гузаронидани амалиёти муштарак, аз ҷумла дорои хислати байналмилалӣ мебошад.
2 июн иштирокдорон аз Офиси ҳамкории сарҳадӣ дар нуқтаи гузаргоҳи сарҳадии Дӯстӣ дар сарҳади Тоҷикистону Узбекистон дидан хоҳанд намуд.
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
ПАРЧАМИ МО ПАРФИШОН АЗ ПЕШВОИ МИЛЛАТ АСТ! Дар Душанбе ҳамоиши ҷашнии ҷавонону варзишгарон баргузор шуд
