Лионел Мессӣ ба зиндон меравад?
Душанбе, 02.06.2016 /АМИТ «Ховар»/. Додгоҳи Барселона муҳокимаи парвандаи саркашии ситораи футбол Лионел Мессиро аз супурдани андоз оғоз кард. Мессии 28-сола ҳамроҳ бо падараш бо он муттаҳам мешавад, ки дар солҳои 2007-2009 дар минтақаҳои офшор ширкатҳои қалбакӣ таъсис дода, аз даромади умумии тахминан 4,1 миллион евро як сент молиёт насупурдаанд. Дар рӯзи аввали муҳокима Мессӣ ва падараш ҳузур надоштанд. Дар ҳоли собит шудани гуноҳ: Лионел Мессӣ ва падараш метавонанд ба муддати 22 моҳ аз озодӣ маҳрум шаванд.
Чанде пеш Мессӣ гуфта буд, ки назорати сармояҳояшро ба падараш супурдааст ва иттилоъ надоштааст, ки ӯ бо пулҳояш чӣ кор мекунад? Баъзе ҳаводорони Мессӣ бовар доранд, ки ин ситораи аргентинии футбол воқеан бегуноҳ аст. Дигарон мегӯянд, ки ҳатто дар сурати собит шудани гуноҳи Мессӣ, меҳри онҳо ба ин футболбоз кам намешавад.
Дар гузашта низ чунин ҳодисаҳои саркашии ситораҳои варзиш аз андозсупорӣ ҷой доштааст.
Беҳтарин теннисбози солҳои 1990-ум Штефӣ Графф бо айбномаи саркашӣ аз супурдани андоз муттаҳам шуд, вале он замон падараш тамоми ҷурмро ба гардан гирифта, бар иловаи супурдани ҷарима муддате зиндонӣ ҳам шуда буд.
27 июл дар Донишгоҳи давлатии тиҷорати Тоҷикистон ва Донишгоҳи славянии Тоҷикистон-Русия нишасти матбуотӣ баргузор мегардад
Донишгоҳи давлатии Бохтар ҳамкории байналмилалиро бо муассисаҳои хориҷӣ густариш медиҳад
Шаҳрвандон ва соҳибкорон тавассути ПОС – терминалҳо ва ҳамёнҳои электронӣ 3,7 миллион амалиёти ғайринақдӣ анҷом доданд
Имрӯз дар баъзе ноҳияҳои Тоҷикистон чангу ғубор боқӣ мемонад
Имрӯз дар доманакӯҳҳои Тоҷикистон ҳаво то 34 дараҷа гарм мешавад
Дар ду басти истироҳатгоҳи «Дурахшон» 230 нафар кӯдакону наврасон ба фароғат фаро гирифта шуданд
Имрӯз дар водиҳои Тоҷикистон ҳаво то 32 дараҷа гарм мешавад
