Лоиҳаи «Стратегияи миллии рушди Ҷумҳурии Тоҷикистон барои давраи то соли 2030» ва «Барномаи миёнамуҳлати рушди Ҷумҳурии Тоҷикистон» такмил дода мешавад
Душанбе, 21.06.2016 /АМИТ «Ховар»/. Тибқи лоиҳаи «Стратегияи миллии рушди мамлакат барои давраи то соли 2030» ва «Барномаи миёнамуҳлати рушди Тоҷикистон барои солҳои 2016-2020» дар назар дошта шудааст, ки иқтидори энергетикии кишвар аз 17 то 45 миллиард киловатт-соат дар як сол, афзоиш дода мешавад. Ҳамчунин дар ин давра содироти неруи барқи аз ҷиҳати экологӣ тоза ба кишварҳои ҳамсоя тавассути хаттҳои минтақавии интиқоли неруи барқ, аз ҷумла КАСА-1000 то 10 миллиард киловатт-соат афзун карда мешавад.
Имрӯз дар Душанбе ҷаласаи Шӯрои миллии рушд бо иштироки Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон баргузор гардида, дар кори он самтҳои асосии рушди иқтисодии кишвар мавриди баррасии аъзои Шӯрои ҳамоҳангсозии рушд ва намояндагони ташкилоту созмонҳои байналмилалию ғайридавлатӣ муайян карда шуданд. Дар ҷаласаи мазкур бандҳои лоиҳаи «Стратегияи миллии рушди Ҷумҳурии Тоҷикистон барои давраи то соли 2030» ва «Барномаи миёнамуҳлати рушди Тоҷикистон барои солҳои 2016-2020» мавриди муҳокимаи иштирокдорон қарор дода шуд.
Аз ҷумла, изҳор карда шуд, ки роҳҳои мошингарду оҳан, нақбу пулҳо, марказҳои логистикӣ, фурудгоҳу долонҳои нақлиётӣ ва дигар инфрасохтори нақлиётӣ бунёду таҷдид гардида, хизматрасониҳои соҳа ба сатҳи талаботи байналмилалӣ мутобиқ карда мешаванд. Ба рушди соҳибкориву сармоягузорӣ дар иқтисодиёт афзалияти бештар дода шуда, ҳиссаи сармоягузориҳои хусусӣ дар ташаккули ММД аз 5 фоизи кунунӣ то 25 фоиз зиёд карда мешавад. Аз ҳисоби рушди соҳаҳои коркард, афзун намудани истеҳсоли маҳсулоти бофандагӣ, хӯрокворӣ, сохтмонӣ, кимиёвӣ, маъданҳо ва хизматрасониҳои нақлиёту алоқа, сайёҳӣ ва маорифу тандурустӣ ҷойҳои корӣ таъсис дода мешаванд. Дар 15 соли минбаъда аз 40 то 70 фоизи шумораи умумии аҳолии машғули кор зиёд карда мешавад. Сарвари давлат Эмомалӣ Раҳмон зимни ҷаласа ба Вазорати рушди иқтисод ва савдо супориш дод, ки якҷо бо вазорату идораҳо «Стратегияи миллии рушди Ҷумҳурии Тоҷикистон барои давраи то соли 2030» ва «Барномаи миёнамуҳлати рушди Ҷумҳурии Тоҷикистонро барои солҳои 2016-2020»-ро бо назардошти мулоҳизаву пешниҳодҳои ҷаласаи имрӯза такмил дода, ба баррасии Ҳукумати мамлакат пешниҳод намояд.
Бар асари обхезӣ дар Танзания 155 нафар ба ҳалокат расид
Дар Донишкадаи исломии Тоҷикистон вобаста ба мубориза бар зидди ифротгароӣ ва хурофотпарастӣ конференсияи ҷумҳуриявӣ доир шуд
Дар Кӯлоб ҷаласаи Шурои ҳамоҳангсози мақомоти ҳифзи ҳуқуқ баргузор шуд
Дар фестивали Олмон зиёда аз 720 ҳолати сироятёбӣ ошкор гардид
Гурӯҳи кории Вилояти Мухтори Кӯҳистони Бадахшон дар Бартанг бо вазъи соҳаҳои гуногуни хоҷагии халқ шинос шуд
Фазои Либия ва Юнони ҷанубӣ бар асари ғубори биёбони Сахара ранги норанҷӣ гирифтааст
Мақомоти Чин барои минтақаҳое, ки аз селу обхезӣ зарар дидаанд, беш аз 15 миллион доллар ҷудо намуданд
Шукурҷон Зуҳуров Раиси Шурои собиқадорони ҷангу меҳнати Ҷумҳурии Тоҷикистон интихоб гардид
Имрӯз дар баъзе ноҳияҳои Тоҷикистон борони бошиддат меборад
Фаъолияти Кумитаи иҷроияи Ҳизби Халқии Демократии Тоҷикистон дар вилояти Хатлон ва сохторҳои ҳизбии он назаррас арзёбӣ гардид
Дар тамоми ноҳияҳои Тоҷикистон пойгоҳҳои базавии нави 4G насб карда мешаванд
Шумораи бар асари тӯфони «Раи» ҳалокшудагон дар Филиппин ба 169 нафар расид
