Масъулини Маркази наркологӣ ва Раёсати Агентии назорати маводи нашъаовар ба саволҳои бинандагон посух доданд

Июнь 10, 2016 13:59

Душанбе, 10.06.2016 /АМИТ «Ховар»/. 8-уми июни соли равон тибқи нақшаи кории Шӯрои вилоятии мутобиқсозии методӣ оид ба таълим ва тарбияи ҳуқуқии шаҳрвандон дар назди раиси вилояти Суғд барои соли 2016 дар телевизиони вилояти Суғд бо ширкати намояндаи масъули Раёсати Агентии назорати маводи нашъаовар дар вилоят ва муовини сардухтури Маркази наркологии вилояти Суғд гуфтугӯи мустақим баргузор шуд.
Намояндаи Раёсати Агентӣ оид ба фаъолияти панҷмоҳаи мақомоти ҳифзи ҳуқуқ ва сохторҳои қудратии вилоят дар мавриди муқовимат ба гардиши ғайриқонунии маводи мухаддир ва ҷараёни амалиёти вилоятии «Кӯкнор 2016» маълумоти муфассал доданд. Дар бахши саволу ҷавоб бо бинандагон, ки ба таври мустақим сурат гирифт, ба пурсишҳои сершумор ва дахлдори бинандагони телевизиони вилояти Суғд оид ба меъёрҳои  ҷавобгарии ҷиноятӣ ба содиркунандагони ҷиноятҳои вобаста ба мухаддирот, корбасти чораҳои қатъӣ ва амалӣ оид ба пешгирӣ ва ошкорнамоии ин ҷиноятҳо, ҳамкории Агентӣ ва сохторҳои минтақавии он бо ҳампешагони худ аз мамолики дуру наздик, омилҳои гароиши ҷавонону наврасон ба зуҳуроти нашъамандӣ, нишона ва пайомадҳои ин беморӣ ва сироят аз он бо амрози дигар, усули табобат аз тариқи табобати ҷойивазкунанда бо дорувории метадон ва тадбирҳое, ки аз тарафи мақомоти давлатӣ баҳри дастгирии иҷтимоии гирифторони бемории нашъамандӣ андешида мешаванд, посухҳои мушаххас ва қонеъкунанда дода шуданд.

Июнь 10, 2016 13:59

Хабарҳои дигари ин бахш

Бо гузашти 28 сол аҳамияти Ваҳдати миллӣ дар рушди иқтисодии Тоҷикистон бештар эҳсос мешавад
Фаъолияти иҷтимоӣ ва фарҳангӣ яке аз воситаҳои муассири таҳкими ваҳдати миллӣ мебошад
Муовини Раиси ноҳияи Данғара Зуҳро Ҳакимзода: «Мардум ба Пешвои миллат боварӣ ва эътимод дорад»
Тоҷикистон дар партави ваҳдати миллӣ ба сӯи шукуфоии нав қадам мегузорад
ВАҲДАТИ МИЛЛӢ — ПОЯИ ҲАСТИИ ДАВЛАТ ВА НЕРУИ СОЗАНДАИ МИЛЛАТ. Мулоҳизаҳои ректори Донишгоҳи давлатии Кӯлоб
Имрӯз дар Тоҷикистон ҳаво то 37 дараҷа гарм мешавад
Дар Вазорати адлия бахшида ба Рӯзи Ваҳдати миллӣ ҳамоиши идона доир гардид
Дар Агентии авиатсияи гражданӣ бахшида ба Рӯзи Ваҳдати миллӣ ҳамоиши тантанавӣ доир шуд
Кормандони Корхонаи воҳиди давлатии «Роҳи оҳани Тоҷикистон» Рӯзи Ваҳдати миллиро таҷлил намуданд
Бахшида ба Рӯзи Ваҳдати миллӣ омӯзгорони фаъоли пойтахт қадрдонӣ карда шуданд
Намояндагони ВАО бо хизматрасониҳои алоқаи барқӣ дар вилояти Суғд шинос мешаванд
Имрӯз дар шаҳри Душанбе ҳаво то 37 дараҷа гарм мешавад