Нақши матбуоти тоҷик дар тарғиби арзишҳои Ваҳдати миллӣ

Душанбе, 23.06.2016./АМИТ «Ховар»/.  Дирӯз дар Китобхонаи миллии Тоҷикистон (КМТ) конфронси илмӣ-амалӣ таҳти унвони «Нақши матбуоти тоҷик дар тарғиби арзишҳои Ваҳдати миллӣ» баргузор гардид.  Сайфиддин Назарзода, директори КМТ зикр кард, ки «Бо шарофати санади ҳаётан муҳими Созишномаи истиқрори сулҳ ва ризояти миллӣ дар Тоҷикистон мо тавонистем, ки ба муноқишаҳои дохилӣ ва муқовимати мусаллаҳона хотима бахшида, марҳалаи нав, яъне гузоштани пойдевори сулҳ, таъмини Ваҳдати миллӣ ва дар ин асос ба эътидол овардани фаъолияти соҳаҳои иҷтимоиву иқтисодии мамлакат ва рушди онҳоро оғоз намоем».
Дар конфронс раиси Иттифоқи журналистони Тоҷикистон Зиннатулло Исмоилзода, профессор Мурод Муродов, раиси МТЖТ Хуршеди Атовулло ва дигарон дар мавзӯъҳои «Ҷумҳурият» ва масъалаҳои ваҳдати миллӣ», «Матбуоти электронӣ ва рушди афкори ҷамъиятӣ», «Матбуоти тоҷик дар давраи гузариш», «Тараннуми сулҳу ваҳдати миллӣ дар нашрияҳои музофотии Тоҷикистон» сухан гуфтанд.