Ғолибони Мусобиқаи ҷумҳуриявӣ дар шаҳри Конибодом муайян гардиданд
Душанбе, 14.06.2016. /АМИТ «Ховар»/. Дар шаҳри Конибодом бо мақсади дар сатҳи баланд таҷлил намудани 25-солагии Истиқлолияти давлатии Ҷумҳурии Тоҷикистон корҳои бунёдкориву созандагӣ вусъати тоза пайдо мекунанд.
Бо мақсади иҷрои Амри Президенти Ҷумҳурии Тоҷикистон ҷиҳати дар сатҳи баланд ҷашн гирифтани 25-солагии Истиқлолияти давлатии Ҷумҳурии Тоҷикистон дар 6 ҷамоати деҳоти шаҳри Конибодом мусобиқаи шаҳрии оилаи намунавӣ ва хонаи намунавӣ дар моҳҳои апрел-май гузаронида шуд. Аз ҷониби комиссия муайян гардид, ки дар ҳамаи ҷамоатҳои деҳот дар ин самт барои иштирок дар мусобиқа омодагии хуб ба роҳ монда шудааст. Дар мусобиқа тамоми сокинони шаҳри Конибодом ва кумитаҳои маҳаллӣ, деҳаҳо ва ҷамоатҳои деҳот фаъолона ширкат варзиданд.
Дар мусобиқаи «Оилаи намунавӣ» оилаи Кимсановҳо аз ҷамоати деҳоти ба номи Ғафурҷон Ортиқов беҳтарин дониста шуд. Ҷойи дуюм насиби оилаи Шукуровҳо аз ҷамоати деҳоти Пӯлодон ва ҷойи сеюм насиби оилаи Холматовҳо аз ҷамоати деҳоти Лоҳутӣ гардид.
Дар мусобиқаи «Хонаи беҳтарин» ҷойи аввал насиби хонаи Наримон Ғиёсов аз ҷамоати деҳоти ба номи Ғ.Ортиқов гардида, ҷойи дуюм ба хонаи Рустам Муродов аз ҷамоати деҳоти ба номи Раҷаб Ҳамробоев ва ҷойи сеюм ба хонаи Юсуфовҳо аз ҷамоати деҳоти Пӯлодон сазовор дониста шуд.
Дар мусобиқаи «Маҳаллаи беҳтарин» маҳаллаи «Ҷавонон» сазовори мақоми аввал гардид.
«Деҳаи беҳтарин» деҳаи Диловарони ҷамоати деҳоти ба номи Ғафурҷон Ортиқов дониста шуд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






